Sililo 2:15 - Siswati 1996 Bible

¹⁵ Bonkhe labo labendlula ngakuwe bashaya tandla tabo ngawe. Bayancifa, banikine tinhloko ngayo iNdvodzakati yaseJerusalema, batsi: “Kungabe kambe ngilo leli lelidolobha lelalibitwa ngekutsi kuphelela kwebuhle, nenjabulo yemhlaba wonkhe?”

Sililo 2:15 Cross References

2 Emakhosi 19:21

Nali-ke livi lelikhulunywe nguSimakadze lelimelene naye, litsi: “ ‘Indvodzakati yaseSiyoni iyakwedzelela, ikubukela phansi. Indvodzakati yaseJerusalema igencetisa inhloko yayo, nawubaleka.

2 Tikhronike 7:21

Noko nome kwanyalo lelithempeli lisenesitfunti lesimatima kangaka, bonkhe labendlula ngakhona bayawumangala, batsi: ‘Simakadze uyenteleni lentfo lenjena kulelive nakulelithempeli?’

Tihlabelelo 109:25

Ngiyinhlekisa yetitsa tami; nabangibona, banikina tinhloko.

Tihlabelelo 22:7

Bonkhe labangibonako bayangiphukuta, badvubula imilomo bancife, banikine netinhloko, batsi:

Tihlabelelo 48:2

Yinhle ngekuphakama kwayo, ikujabula kwemhlaba wonkhe. INtsaba iSiyoni isemaphetselweni enyakatfo, ilikhaya leNkhosi lenkhulu.

Tihlabelelo 48:3

Nkulunkulu usetindlini talo, naye utibonakalisile kutsi uyinqaba yalo sibili.

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Tihlabelelo 64:8

Lulwimi lwabo luyawubabhubhisa, bonkhe labababonako bayawunikina tinhloko.

Isaya 28:21

Simakadze utawuvuka, njengobe wake wenta eNtsabeni yasePherasimu, lulaka lwakhe luyakumvuselela njengaseSigodzini saseGibeyoni, kutsi ente umsebenti wakhe, yebo, umsebenti wakhe lomangalisako kutsi aphelelisele umsebenti wakhe, yebo, umsebenti wakhe longaketayeleki.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Isaya 64:11

Lithempeli letfu lelingcwele nalelikhatimulako, lapho bobabemkhulu bebakukhonta khona, selishiswe ngemlilo, nako konkhe lebekuligugu kitsi sekuyimfuhlululu nje.

Jeremiya 18:16

Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 25:18

IJerusalema nemadolobha akaJuda, emakhosi netindvuna tawo, kubenta kutsi babe yincitsakalo, nentfo yekwesabisa neyekuhlekisa, nesicalekiso, njengobe banjalo nalamuhla;

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 48:27

Israyeli abengasiyo yini intfo yakho yekuhlekisa? Abebanjwe emkhatsini wemasela yini kwekutsi ungaze unikine inhloko uhlekise ngaye njalo nje, nawuphatsa libito lakhe?

Jeremiya 51:37

IBhabhulona iyawuba yindvundvuma yematje, kube ngumgedze wetimphungutja, sesabiso nentfo yekuphukutwa, yebo, indzawo lengahlalwa ngumuntfu.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

Sililo 2:16

Tonkhe titsa takho tikukhamisela imilomo lemikhulu. Tiyancifa tigugudze imihlatsi titsi: “Lidolobha sesilimitile. Leli lilanga lebesivele sililindzele, besihlalele kubona lona.”

Sililo 2:6

Indzawo yakhe yekuhlala uyicitse njengelidlangala lasensimini, uyibhubhisile indzawo yakhe yekuhlangana. Simakadze wente iSiyoni yawakhohlwa emadzili ayo lemisiwe, nemaSabatha ayo. Ngentfukutselo yakhe ukudvube kokubili: inkhosi yayo nemphristi wayo.

Hezekeli 16:13

Ngako wase uhlotjiswe ngegolide nangesiliva; kwekwembatsa kwakho kwakukwelineni lecolisakele nekwemtiya lodulile, nendvwangu lehlotjisiwe. Kudla kwakho kwakukwafulaha locolisakele, nekweluju lwetinyosi, nekwemafutsa emncumo. Wagucuka waba muhle wacitsa sikhatsi, wadzimate waba yinkhosikati yasebukhosini.

Hezekeli 16:14

Ludvumo lwakho lwandza etiveni ngenca yebuhle bakho, ngobe phela lobucwebecwebe lengakupha bona benta kutsi buhle bakho buphelele, kusho iNkhosi Simakadze.

Hezekeli 23:32

“Naku lokushiwo yiNkhosi Simakadze, itsi: “Uyawunatsa indzebe yadzadzewenu, yebo, indzebe lenkhulu legubhile; iyawuletsa kwedzelelwa nekuphukutwa, ngobe inemtsamo lomkhulu.

Hezekeli 25:6

Ngobe naku lokushiwo yiNkhosi Simakadze, itsi: Njengobe ushaye tandla takho wagidza ngetinyawo takho, wajabula ngabo bonkhe bubi benhlitiyo yakho umelene nelive laka-Israyeli,

Hezekeli 5:15

Uyawuba lihlazo, nesihhala, nesecwayiso, nentfo leyesabisako kuletive letikutungeletile, nase ngikwehlulela ngentfukutselo, nangelulaka, nangekutsetsisa lokubuhlungu. Mine, Simakadze, sengikhulumile.

Danyela 9:16

Awu Simakadze, ngako konkhe kulunga kwakho mane ugucule intfukutselo yakho nelulaka lwakho kuyo iJerusalema, lidolobha lakho, leliyintsaba yakho lengcwele. Tono tetfu nekona kwabobabe sekwente iJerusalema nesive sakho kwaba lihlazo kubo bonkhe labakhelene natsi.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Nahume 3:19

Kute lokungelapha lesilondza sakho, lelinceba lakho linengati yekufa. Bonkhe labo labeva letindzaba takho bagidza batibetsele. Utsi ukhona nje lowase waphunyula wasindza kulolunya lwakho lolungenamkhawulo?

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Matewu 27:39

Bantfu lababendlula lapho babemetfuka banikine tinhloko,

Makho 15:29

Bantfu labendlulako lapho babemetfuka banikine tinhloko batsi: “Wo! Wena longabhidlita lithempeli ubuye ulakhe ngemalanga lamatsatfu!