Sililo 2:14 - Siswati 1996 Bible

¹⁴ Imibono yebaphrofethi bakho yayingemanga, futsi ingenamsebenti. Baphrofethi bakho abazange batibeke ebaleni tono takho, kuze uvikeleke kuloko kugcilateka. Letembulo labakunika tona tatitemanga netekwedukisa.

Sililo 2:14 Cross References

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 2:8

Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Jeremiya 20:6

Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”

Jeremiya 23:22

Kodvwa kube bebeme ebandleni lami, ngabe bamemetele emavi ami kubantfu bami, futsi ngabe babancandzile etindleleni tabo letimbi kanye nasetentweni tabo letikhohlakele.”

Jeremiya 23:36

Kodvwa ningacali nisisho ‘siphrofetho saSimakadze’ futsi, ngobe emavi alowo nalowo muntfu aba sembulo sakhe, ngaloko nibese niyawaguculela emavi aNkulunkulu lophilako, Simakadze Somandla, Nkulunkulu wetfu.

Jeremiya 28:15

Ngako umphrofethi Jeremiya wase ukhuluma kuHananiya, umphrofethi, watsi: “Lalela lapha, Hananiya! Wena awukatfunywa nguSimakadze, kodvwa lesive ulibele kusenta setsembe emanga akho.

Jeremiya 29:21

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Jeremiya 37:19

Baphi labaphrofethi benu labaniphrofethela batsi: ‘Inkhosi yaseBhabhulona ingeke ikuhlasele, nalelive ingeke ilente lutfo’?

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Hezekeli 22:28

Baphrofethi balo bahuca letento tabo ngemcakaco ngemibono leyinkhohliso nekubhula lokungemanga. Batsi: ‘Naku lokushiwo yiNkhosi Simakadze,’ kube Simakadze angakaze wakhuluma lutfo.

Hezekeli 23:36

Simakadze wakhuluma kimi, watsi: “Ndvodzana yemuntfu, utawubehlulela yini bo-Ohola na-Oholibha? Ngako bhekana nabo ngaletento tabo letinengekako,

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Mikha 2:11

Lesive sifuna luhlobo lwebaphrofethi labaphrofetha emanga nenkhohliso, batsi: ‘Ngiphrofetha kutsi liwayini netjwala kuyawuba ngimifula yenu yekunatsa.’

Mikha 3:8

Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.