Sililo 1:6 - Siswati 1996 Bible

⁶ Bonkhe lobucwebecwebe sebunyamalele kuyo iNdvodzakati yaseSiyoni. Babusi bayo bafanana netinyamatane letilambako; letibaleka ngekutayiya, natibalekela batingeli bato.

Sililo 1:6 Cross References

2 Emakhosi 19:21

Nali-ke livi lelikhulunywe nguSimakadze lelimelene naye, litsi: “ ‘Indvodzakati yaseSiyoni iyakwedzelela, ikubukela phansi. Indvodzakati yaseJerusalema igencetisa inhloko yayo, nawubaleka.

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

2 Emakhosi 25:5

kodvwa emabutfo emaBhabhulona acosha Sedekiya, inkhosi, aze amkhandza etsafeni laseJerikho. Onkhe emasotja akhe esuswa kuye asakatwa,

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Tihlabelelo 96:9

Khotsamani nikhuleke kuSimakadze, nembatse bungcwele, nitfutfumele embikwakhe, mhlaba wonkhe.

Isaya 1:21

Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 29:4

“Naku lokushiwo nguSimakadze longuSomandla, Nkulunkulu wema-Israyeli, kubo bonkhe labo lengabatfumba ngabesusa eJerusalema baya eBhabhulona, utsi:

Jeremiya 47:3

nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Jeremiya 52:11

Yase ikupuluta emehlo aSedekiya, yambopha ngetinketane telitfusi, yamtsatsa yamyisa eBhabhulona lapho yefika yamvalela ejele kwaze kwaba lilanga lakhe lekufa.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Hezekeli 24:25

“Wena-ke, ndvodzana yemuntfu, ngalelilanga lengiyawutsatsa ngalo inqaba yabo, kujabula kwabo neludvumo lwabo, injabulo yemehlo abo, nesifiso senhlitiyo yabo, kanye nemadvodzana nemadvodzakati abo,

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?