Sililo 1:2 - Siswati 1996 Bible

² Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Sililo 1:2 Cross References

Jobe 6:15

Kodvwa bomnaketfu bangimbulutela njengetibhobhodla temanti, yebo, njengetibhobhodla temanti letiphuphumako tiphindze tome,

Jobe 7:3

kanjalo nami ngabelwe imihla yekuhlupheka kuletinyanga, ngabelwe busuku beminjunju kulamalanga.

Tihlabelelo 126:5

Labo labahlanyela ngetinyembeti bayawuvuna ngekujabula.

Tihlabelelo 31:11

Sengaba yinhlamba ngenca yalabamelene nami, ikakhulu kubomakhelwane bami; labangatiko sebayangesaba, nangihlangana nabo endleleni bayangibalekela.

Tihlabelelo 6:6

Ngikhatsele kububula kwami, ngimantisa umcamelo wami ebusuku, ngimantise nembhedze wami ngetinyembeti.

Tihlabelelo 69:21

Bangiphakela inyongo esikhundleni sekudla; ekomeni kwami banginatsisa liwayini lelimunyu.

Taga 19:7

Nangabe umuntfu alahlwa bomnakabo ngenca yebuphuya bakhe, nakanjani nebangani bakhe batambalekela. Angetama kubawunga ngemavi, kodvwa angeke aphumelele.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 30:14

Bonkhe bangani bakho sebakukhohliwe, abasanaki lutfo lwakho. Ngikushaye njengesitsa, ngakujezisa njengalonelulaka, ngobe licala lakho lilikhulu kakhulu, netono takho titinyenti.

Jeremiya 4:30

Wentani wena lobhidlitiwe? Utembatsiselani ngaletibovu klebhu wegabe nebuhlalu begolide? Emehlo akho uwagcobiseleni ngapende? Utihlobisela lite. Emashende akho ayakwedzelela, afuna kukubulala.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Hezekeli 16:37

ngako-ke sengitawabutsa onkhe lamashende akho, lebewutijabulisa ngawo, lawo lebewuwatsandza nalawo lebewuwenyanya. Ngiyakuwabutsa kuyo yonkhe indzawo, akuvukele onkhe ngikungcunule embikwawo, futsi ayakububona bonkhe bungcunu bakho.

Hoseya 2:7

Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Mikha 7:5

Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

Sembulo 17:13

Onkhe lawa lalishumi acondze intfo yinye: Kutsi anike silo emandla awo neligunya.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.