Sililo 1:17 - Siswati 1996 Bible

¹⁷ ISiyoni yelula tandla tayo, kodvwa kute namunye longayidvudvuta. Simakadze ushaye umtsetfo ngaJakobe kutsi bomakhelwane bakhe babe titsa takhe. IJerusalema seyigucuke yaba yintfo lesinengiso emkhatsini wabo.

Sililo 1:17 Cross References

1 Emakhosi 8:22

Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe watibhekisa ngasezulwini,

1 Emakhosi 8:38

nase kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo enhlitiyweni yakhe, aphakamise tandla takhe atibhekise kulelithempeli,

2 Emakhosi 25:1

Kwatsi ngemnyaka wemfica wekubusa kwenkhosi Sedekiya ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca nemabutfo akhe onkhe, wahlasela iJerusalema. Bemisa ngephandle kwelidolobha, bakha tivimbetelo letalitungeleta lonkhe.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 54:11

“Awu, wena, dolobha lelihlushiwe lashaywa tivunguvungu langete ladvudvutwa, ngiyawukwakha ngematje lamahle, tisekelo takho ngitakhe ngemasafire.

Jeremiya 12:9

Lifa lami alifanani yini kimi nenyoni yekuhlasela lengemabhadvubhadvu letungeletwa nguletinye tinyoni tekuhlasela? Hambani niyewubutsa tonkhe tilwane tesiganga, nitiletse titewudla.

Jeremiya 15:5

“Awu Jerusalema, ngubani lotakuhawukela? Ngubani lotakulilela? Ngubani loyakuma akubute kutsi unjani?”

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 34:22

Simakadze utsi: Ngiyawukhipha umlayeto ngibabuyise kulelidolobha. Bayakulwa nalo, balitfumbe bese bayalishisa. Emadolobha akaJuda ngiyakuwenta abe tindzala, kuze kusale kukhala libhungane kuwo.”

Jeremiya 4:31

Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”

Jeremiya 6:3

Iyawusukelwa belusi kanye nemihlambi yabo balwe nayo, bayawumisa emathende abo bayitungelete, ngulowo nalowo anakekele indzima yakakhe.”

Jeremiya 8:18

Kute likhambi kulolusizi lwami, inhlitiyo yami iselusizini.

Sililo 1:16

“Nguloko lokungenta ngilile, nemehlo ami aphophota tinyembeti. Kute namunye losedvutane longidvudvutako, kute namunye longabuyisa umoya wami. Bantfwabami bahlutjuliwe, ngobe sitsa singehlulile.”

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 1:2

Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 4:15

Bantfu bayabacosha, batsi: “Hambani la! Sukani la! Ningcolile! Khweshani! Khweshani! Ningasitsintsi!” Ngesikhatsi baphrofethi nebaphristi babaleka bayewuzulazula, bantfu betive ngetive batsi: “Bangeke basachubeka nekuhlala lapha!”

Hezekeli 36:17

“Ndvodzana yemuntfu, ngesikhatsi sive sema-Israyeli sisahlala eveni laso, salingcolisa ngekutiphatsa kabi kwaso nangetento taso. Kutiphatsa kwaso emehlweni ami kwakufanana nekungcola kwemfati kwanyangatonkhe.

Hoseya 8:8

Israyeli umitiwe, manje sewusemkhatsini wetive njengentfo lengenamsebenti.