Sililo 1:1 - Siswati 1996 Bible

¹ Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Sililo 1:1 Cross References

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

2 Emakhosi 23:33

Faro Nekho wambopha ngetinketane eRibla, eveni laseHamathi, kuze kutsi angakhoni kubusa eJerusalema, wabe sewuhlisibeta bakaJuda ngemtselo wesiliva lengemakhilogremu labengaba ti-3 400, negolide lengemakhilogremu labengaba ngema-34.

2 Emakhosi 23:35

Jehoyakimu wanika Faro Nekho isiliva negolide labetsite ayikhishwe. Loko wakwenta ngekutselisa live, wagulula isiliva negolide kubantfu bakhona, kwaya ngebungako babo.

2 Tikhronike 9:26

Wawabusa onkhe emakhosi kusukela emfuleni, kuye eveni lemaFilisti, kuze kuyewufika emnyeleni waseGibhithe.

Ezra 4:20

IJerusalema beyinemakhosi lanemandla kakhulu, abusa lonkhe leli lelingaseNshonalanga Yufrathe, imitselo, netetfulo kanye nentsela bekukhishwa kuwo.

Nehemiya 5:4

Noko labanye bakhonona batsi: “Sidzimate seboleka nemali, kuze sitewukhokha umtselo enkhosini, sitselele emasimi etfu netivini tetfu.

Nehemiya 9:37

Ngenca yetono tetfu, sivuno salo lesinyenti sesiya emakhosini lose usibekele wona. Lamakhosi abusa etikwetfu kanye nasetikwetinkhomo tetfu njengobe atsandza. Tsine siselusizini lolukhulu.”

Tihlabelelo 122:4

Ngulapho ikhuphukela khona imindeni yaSimakadze, iyewudvumisa Nkulunkulu, njengobe yena ayala Israyeli.

Isaya 14:12

“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!

Isaya 22:2

Awu dolobha leligcwele siyaluyalu! Awu dolobha lemsindvo nekujabula! Bantfu bakho labafile abakabulawa yinkemba, futsi abafelanga emphini.

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Isaya 49:21

Uyawucabanga enhlitiyweni yakho utsi: ‘Ngubani lowangitalela laba, njengobe ngangihluphekile ngiyinyumba, ngangitfunjiwe futsi ngilahliwe? Bakhuliswa ngubani kepha laba? Ngasala ngingedvwa vo, kodvwa laba nyalo, sebaphumaphi?’ ”

Isaya 50:5

INkhosi Simakadze itivulile tindlebe tami, nami angikayivuseli umdlonga, angikagucuki kuyo.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Jeremiya 31:7

Naku lokushiwo nguSimakadze, utsi: “Hlabelani ngenjabulo kuJakobe; memetelani kulesive lesikhulu kunato tonkhe. Vakalisani kumdvumisa kwenu, nitsi: ‘Awu Simakadze, sindzisa sive sakho, imisalela yaka-Israyeli!’

Jeremiya 40:9

Gedaliya, umsa wa-Ahikamu, umsa waShafani, wafunga kubo nakulamadvodza abo, watsi: “Ningesabi kukhonta emaBhabhulona. Yakhani lapha eveni nihlehle enkhosini yaseBhabhulona, kutabe sekunihambela kahle-ke.

Jeremiya 42:2

bafika kuJeremiya, umphrofethi, batsi: “Sicela ulalele nasi sicelo setfu, bese uthandazela yonkhe lensali kuSimakadze longuNkulunkulu wakho. Njengobe ubona nje, nome sake saba banyenti, kodvwa nyalo sesisele simbalwa.

Jeremiya 44:2

“Naku lokushiwo nguSimakadze longuSomandla, Nkulunkulu wema-Israyeli, utsi: Nayibona lenhlekelele lenkhulu lengayehlisela etikweJerusalema nasetikwawo onkhe emadolobha akaJuda. Lamuhla asahleti atindzala, kute muntfu lohlala kuwo,

Jeremiya 44:6

Ngako-ke, intfukutselo yami leyesabekako yatfululwa; yawavutsela lamadolobha akaJuda kanye netitaladi taseJerusalema, ngatenta taba tindzala letasala tikhala libhungane, njengobe kunjalo nalamuhla.

Jeremiya 50:23

Maye, kubhidlitwa nekuhhohloka kwesandvo sawo wonkhe umhlaba! Maye, icitsiwe iBhabhulona emkhatsini wetive!

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 2:1

Maye! Simakadze uyimbonye kanjani iNdvodzakati yaseSiyoni ngelifu lentfukutselo yakhe! Ubudzaceke phansi bukhosi baka-Israyeli, busuka ezulwini buya emhlabeni. Akazange asikhumbule senabelo setinyawo takhe ngelilanga lentfukutselo yakhe.

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Sililo 4:1

Yeka legolide leseyilahlekelwe bucwebecwebe bayo, igolide lebeyicolisakele seyigucuke yafiphala. Ematje laligugu endlu lengcwele asasakateleke emaphetselweni ato tonkhe titaladi.

Sililo 5:16

Umchele udzilikile etinhloko tetfu. Maye kitsi! Ngobe sonile.

Hezekeli 26:16

Lapho-ke bonkhe labakhulu bemave langaselwandle bayawukwehlela phansi, besuka etihlalweni tabo tebukhosi, babeke eceleni imijiva yabo, bakhumule tembatfo tabo letihlotjisiwe. Bayawuhlala phansi emhlabatsini bembetse kwesaba, batfutfumela ngato tonkhe tikhatsi, bamangaliswe nguwe.

Hezekeli 26:2

“Ndvodzana yemuntfu, njengobe iThire seyikhulume ngeJerusalema, yatsi: ‘Hha! Lisango lebetive selephukile, netivalo talo setigedvukele kimi, njengaloku seyibhidlikile iJerusalema, mine Thire sengitawuphumelela.’

Hezekeli 5:5

“Naku lokushiwo yiNkhosi Simakadze, itsi: Lena yiJerusalema, lengiyimise emkhatsini wetive, nemave ayitungelete yonkhe indzawo.

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Sembulo 18:7

Niyihluphe kakhulu, kutfoswa kwayo ngetinhlupho nelusizi lwayo kube ngangekutiphakamisa kwayo nangangekutamasa kwayo. Ngobe enhlitiyweni yayo itsi: ‘Ngihleti njengendlovukazi! Angisiye umfelokati, ngeke ngifelwe, ngilile.’