Sembulo 9:7 - Siswati 1996 Bible

⁷ Lesikhonyane sasibonakala sifanana nemahhashi lalungiselwe imphi; etinhloko taso kunalokwakufana nemichele yegolide, buso baso bufanana nebemuntfu.

Sembulo 9:7 Cross References

Danyela 7:4

“Sekucala sasinjengelibhubesi, futsi sasinetimphiko telusweti: Ngabukisisa, taze timphiko taso tahleshulwa, lesilo saphakanyiswa emhlabatsini kuze sime ngetinyawo taso letimbili njengemuntfu, sase sinikwa inhlitiyo yemuntfu.

Danyela 7:8

“Ngatsi ngisacabanga ngaletimphondvo, ngase ngibona sekunalolunye luphondvo embikwami, luluncane, lolwamila nje emkhatsini wato; kwatsi letintsatfu taleta tekucala timphondvo tazuphuneka embikwalo. Lolu-ke luphonjwana lwase lunemehlo lanjengewemuntfu, nemlomo lowawukhuluma ngekutigabatisa.”

Nahume 3:17

Balindzi bakho bafanana nesikhonyane, netindvuna takho tinjengelibulo lesikhonyane lesihlala elubondzeni nakumakhata, kodvwa kutsi nakuphuma lilanga, sindize siye le khashane, singatiwa lapho sikhona.

Sembulo 6:2

Kwatsi chamu lihhashi lelimhlophe, nalona labeligibele aphetse butjoki, wanikwa umchele, wahamba ancoba, ayawuncoba.

Sembulo 9:3

Kulentfutfu kwaphuma sikhonyane sehlela emhlabeni, sanikwa emandla lafanana nemandla abofecela bemhlaba.