Sembulo 9:21 - Siswati 1996 Bible

²¹ Abazange baphendvuke ekubulaleni kwabo, nasekutsakatseni kwabo, nasebugwadleni babo, nasebuphingini babo, nasekwebeni kwabo.

Sembulo 9:21 Cross References

Isaya 47:12

“Chubeka-ke manje nalamaloyo akho, nebunyenti bekutsakatsa kwakho, lowakushikashikela kusukela ebuntfwaneni; mhlawumbe uyawuphumelela, encenye utibangele kwesaba titsa takho.

Isaya 47:9

Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Isaya 57:3

“Kodvwa nine, wotani la, nine madvodzana esangoma lesisikati, nine ntalo yetiphingi neyetingwababane!

Danyela 11:33

“Labo labahlakaniphile bayawufundzisa labanyenti, noko kube kwesikhashana solo bawa ngenkemba, nome bashiswe, nome batfunjwe, nome baphangwe.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Matewu 15:19

Ngobe enhlitiyweni kuvela imicabango lemibi, nekubulala, nekuphinga, nebugwadla, nekuba, nekucalemanga, nekuhlambalata.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

KubaseGalathiya 5:20

nekukhonta tithico, nekutsakatsa, nebutsa, nenkhani, nemona, nelulaka, nekubanga, nekwehlukana, nekuhlubuka,

Sembulo 13:13

Senta tibonakaliso letinkhulu, ngisho nekwehlisa umlilo ezulwini wehlele emhlabeni embikwebantfu bonkhe babuka.

Sembulo 13:15

Silo sesibili sanikwa emandla ekuphefumulela lomfanekiso wesilo, kuze kutsi ukhulume, sente nekutsi labo labangawukhonti lomfanekiso babulawe.

Sembulo 13:7

Savunyelwa nekutsi silwe nalabangcwele sibehlule, sanikwa nemandla etikwayo yonkhe imindeni, nebantfu, netilimi, netive.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 17:2

Emakhosi emhlaba aphingana nayo. Bonkhe bantfu bemhlaba badzakwa kunatsa liwayini lebugwadla bayo.”

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.

Sembulo 17:5

Ebuntini lakhe kwakubhalwe libito leliyimfihlakalo litsi: “IBhabhulona lenkhulu, unina wetingwadla nemanyala emhlaba.”

Sembulo 18:3

Ngobe tonkhe tive tilinatsile liwayini lelinenkhanuko yebugwadla bayo. Emakhosi emhlaba aphinga nayo, nebahwebi basemhlabeni bacebile ngekutamasa kwayo.”

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Sembulo 9:20

Kepha bantfu lababesele bangete bafa kuletinhlupho, abazange baphendvuke emisebentini yetandla tabo. Kodvwa bachubeka bakhonta emadimoni netithico tegolide, netesiliva, netelitfusi, netelitje, netemitsi: tintfo letingaboni, naletingeva, naletingahambi.