Sembulo 9:1 - Siswati 1996 Bible

¹ Ingilosi yesihlanu yalishaya licilongo layo, ngabona inkhanyeti iwa ezulwini iwela emhlabeni, yanikwa sikhiya semgodzi longenamkhawulo.

Sembulo 9:1 Cross References

Isaya 14:12

“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!

Lukha 10:18

Jesu wabaphendvula watsi: “Ngabona Sathane awa ezulwini ehla njengembane.

Lukha 8:31

Emadimoni abese ancenga Jesu kutsi amane angawatfumeli emgodzini longenamkhawulo.

KubaseRoma 10:7

“Ungasho futsi nekutsi: ‘Ngubani lotakwehlela endzaweni yalabafile?’ ” Loko kusho kuvusa Khristu kulabafile.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 11:7

Nase bacedze kufakaza, silo lesiphuma emgodzini longenamkhawulo siyawulwa nabo, sibehlule, sibabulale.

Sembulo 17:8

Lesilo losibonile sake saphila, kodvwa nyalo asisaphili; sesitawuphuma kulomgodzi longenamkhawulo siye ekubhujisweni. Bantfu labakhe emhlabeni labamabito abo langabhalwanga encwadzini yekuphila, seloku kwasekelwa umhlaba, bayawumangala, nababona lesilo, ngobe sasiphila, kodvwa nyalo asisaphili, noko siyawuphindze sivele.

Sembulo 20:1

Ngase ngibona ingilosi yehla ezulwini, esandleni sayo yayiphetse sikhiya semgodzi longenamkhawulo neluketane lolukhulu.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 6:13

Tinkhanyeti tesibhakabhaka tavutfuteleka emhlabeni njengekuhhohloka kwemakhiwa lasengakavutfwa emkhiweni, nakuhhusha umoya lomkhulu.

Sembulo 8:10

Ingilosi yesitsatfu yalishaya licilongo layo, kwase kuwa inkhanyeti lenkhulu ezulwini, ivutsisa kwesibane, yawela etikwencenye yesitsatfu yemifula nasetikwemitfombo yemifula.

Sembulo 8:12

Ingilosi yesine yalishaya licilongo layo; kwashaywa incenye yesitsatfu yelilanga, nencenye yesitsatfu yenyanga, nencenye yesitsatfu yetinkhanyeti, loko kwenta kutsi incenye yesitsatfu yekukhanya kwako ibe mnyama; nencenye yesitsatfu yemini yangete yakhanya, kanjalo futsi nencenye yesitsatfu yebusuku.

Sembulo 8:2

Ngase ngibona tingilosi letisikhombisa time embikwaNkulunkulu, tanikwa emacilongo lasikhombisa.

Sembulo 9:2

Lenkhanyeti yawuvula lomgodzi longenamkhawulo, kwase kuphuma intfutfu leyayifanana nentfutfu yemlilo lomkhulu; lilanga nemoya kwaba mnyama ngenca yalentfutfu leyayiphuma kulomgodzi.