Sembulo 8:8 - Siswati 1996 Bible

⁸ Ingilosi yesibili yalishaya licilongo layo. Kwabonakala intfo leyayinjengentsaba lenkhulu ivutsa umlilo, ijikijelwa ekhatsi elwandle. Incenye yesitsatfu yelwandle yaba yingati.

Sembulo 8:8 Cross References

Jeremiya 51:25

“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.

Hezekeli 14:9

“ ‘Nangabe umphrofethi acindzetelekile kutsi aphimisele siphrofetho, ngimi Simakadze lomcindzetele lowo mphrofethi, futsi ngiyakwelula sandla sami ngimelane naye, ngimbhubhise emkhatsini wesive sami, ema-Israyeli.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.

Zakhariya 13:8

Simakadze utsi: “Eveni lonkhe tincenye letimbili kulokutsatfu kuyawushaywa kubhujiswe; noko incenye yesitsatfu iyawusala kulo.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Makho 11:23

Ngicinisile, ngitsi kini: Nome ngubani loyawutsi kulentsaba: ‘Cukuleka uyewuphonseka le elwandle,’ angangabati enhlitiyweni yakhe, kodvwa akholwa kutsi loko lasakushito kutakwenteka, uyakwentelwa kona.

Sembulo 11:6

Laba banemandla ekuvala litulu kutsi lingani ngesikhatsi sekuphrofetha kwabo. Banemandla etikwemanti kutsi bawagucule abe yingati. Banemandla futsi ekushaya umhlaba ngako konkhe kuhlupheka nome kukangaki, kuye njengekutsandza kwabo.

Sembulo 12:4

Umsila wakhe wahudvula incenye yesitsatfu yetinkhanyeti tesibhakabhaka, watilahla emhlabeni. Nyokangwenya wema embikwalomfati labesatawubeleka, entela kutsi alumite lusabelekwa nje loluswane.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

Sembulo 9:15

Ngako-ke letingilosi letine tatfukululwa. Tativele tilungiselwe li-awa, nelilanga, nenyanga, nemnyaka kutsi tibulale incenye yesitsatfu yabo bonkhe bantfu emhlabeni.

Sembulo 9:18

Incenye yesitsatfu yebantfu yafa ibulawa nguletinhlupheko letintsatfu: umlilo, nentfutfu, nesibabule, lokwakuphuma emilonyeni yawo.