Sembulo 8:11 - Siswati 1996 Bible

¹¹ Libito lalenkhanyeti bekunguMhlonyane. Incenye yesitsatfu yemanti yababa, kwafa bantfu labanyenti babulawa ngulamanti, ngobe abebaba.

Sembulo 8:11 Cross References

Eksodusi 15:23

Bahamba baze bafika endzaweni lekutsiwa yiMara, lapho bawakhandza khona emanti. Kodvwa behluleka kuwanatsa, ngobe abebaba. Ngiko nje lendzawo yabitwa ngekutsi yiMara.

Taga 5:4

kodvwa ekugcineni ubaba njengenyongo, akhaliphe njengenkemba lekhalipha nhlangotsi totimbili.

Jeremiya 23:15

Ngako-ke naku lokushiwo nguSimakadze Somandla macondzana nebaphrofethi, utsi: “Ngiyawubenta badle kudla lokubabako banatse nemanti lanashevu, ngobe kusukela kubaphrofethi baseJerusalema kungamesabi Nkulunkulu sekwandze nalo lonkhe live.”

Jeremiya 9:15

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Sililo 3:19

Ngikhumbula kushaywa kwami kanye nekundzindza kwami, loko kubaba kanye nenyongo.

Sililo 3:5

Ungivimbetele, wangitungeleta ngalokubabako nangekuhlupheka lokukhulu.

Amose 5:7

Nine lenigucule imphatfocotfo nayenta yababa, kulunga nakudzaceka phansi emhlabatsini!

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Zakhariya 13:8

Simakadze utsi: “Eveni lonkhe tincenye letimbili kulokutsatfu kuyawushaywa kubhujiswe; noko incenye yesitsatfu iyawusala kulo.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Dutheronomi 29:18

Caphelisisani kutsi kubete indvodza nome umfati, nome umndeni, nome sive emkhatsini wenu lamuhla, lonenhlitiyo lephambukako kuSimakadze Nkulunkulu wetfu kutsi ahambe ayewukhonta bonkulunkulu baleto tive. Caphelisisani kutsi kubete imphandze lembi emkhatsini wenu lengahle ivete shevu lobabako.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

Sembulo 12:4

Umsila wakhe wahudvula incenye yesitsatfu yetinkhanyeti tesibhakabhaka, watilahla emhlabeni. Nyokangwenya wema embikwalomfati labesatawubeleka, entela kutsi alumite lusabelekwa nje loluswane.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

Sembulo 9:15

Ngako-ke letingilosi letine tatfukululwa. Tativele tilungiselwe li-awa, nelilanga, nenyanga, nemnyaka kutsi tibulale incenye yesitsatfu yabo bonkhe bantfu emhlabeni.

Sembulo 9:18

Incenye yesitsatfu yebantfu yafa ibulawa nguletinhlupheko letintsatfu: umlilo, nentfutfu, nesibabule, lokwakuphuma emilonyeni yawo.

Ruthe 1:20

Wabaphendvula watsi: “Hhayi, ningasangibiti ngekutsi nginguNawomi, sale senitsi nginguMara, ngobe Nkulunkulu Somandla ungihlanekele, wangiletsela kuhlupheka.