Sembulo 7:1 - Siswati 1996 Bible

¹ Emvakwaloko ngabona tingilosi letine time emagumbini omane emhlaba, tibambe imimoya yomine yemhlaba kutsi kubete umoya lohhusha emhlabeni, nome elwandle, nome kukusiphi sihlahla.

Sembulo 7:1 Cross References

Isaya 11:12

Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.

Isaya 27:3

Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Jeremiya 49:36

Ngiyawutfumela imimoya lemine e-Elamu, imimoya lesuka emagumbini lamane emazulu. Ngiyawubasakatela emimoyeni lemine, kuyawubate sive, lapho kungayikuba khona base-Elamu labacoshiwe.

Hezekeli 37:9

Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Hezekeli 7:2

“Ndvodzana yemuntfu, naku lokushiwo yiNkhosi Simakadze, eveni laka-Israyeli, itsi: Kuphela! Kuphela sekufikile emagumbini omane elive.

Danyela 11:4

Iyawutsi nase ivele, umbuso wayo bese uyehlukaniswa ubhekiswe emimoyeni yomine yasezulwini. Ngeke wendlulele etitukulwaneni tayo, futsi ngeke ube nalamandla leyayiwasebentisa, ngobe lombuso wayo uyawusishulwa unikwe labanye.

Danyela 7:2

Danyela watsi: “Embonweni wami ebusuku, ngabona embikwami kwakunemimoya yomine yasezulwini, ivumbuka elwandle lolukhulu.

Danyela 8:8

Lesiphongo satikhukhumukisa saba sikhulu kakhulu, kodvwa kwatsi lapho sesinemandla, lwephuka loluphondvo lwaso lolukhulu, kwatsi esikhundleni salo kwamila timphondvo letine letigcamile, takhula taya etulu emimoyeni yomine yelizulu.

Jona 1:4

Kodvwa Simakadze watfumela umoya lomkhulu elwandle, kwaba nesivunguvungu lesikhulu kangangekutsi umkhumbi wabasengotini yekwephuka.

Zakhariya 6:1

Ngatsi ngiphakamisa emehlo njalo ngiyabuka, ngabona kuchamuka tincola letine, tiphuma emkhatsini wetintsaba letimbili, tintsaba telitfusi!

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

Makho 13:27

Iyawutfumela tingilosi tayo kutsi tiyewubutsa labo labakhetsiwe bayo emimoyeni yomine, nasemikhawulweni yonkhe yemhlaba.”

Sembulo 20:8

Uyawutsi nasaphumile ahambe ayewudukisa boGogi naMagogi, tive letisemagunjini omane emhlaba, kutsi atihlanganisele imphi. Letinye tingangesihlabatsi saselwandle.

Sembulo 6:6

Ngase ngiva livi shangatsi liphuma emkhatsini wetidalwa letine litsi: “Libinta lakolo wekudliwa ngelilanga lelingatsengwa ngeliholo lelilanga, nemabinta lamatsatfu emabele langatsengwa ngeliholo lelilanga; kepha ungawoni emafutsa neliwayini!”

Sembulo 7:3

yatsi: “Ningawulimati umhlaba, nome lwandle, nome tihlahla, singakatibeki luphawu emabuntini tisebenti taNkulunkulu wetfu.”

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

Sembulo 9:14

likhuluma kulengilosi yesitfupha leyayinelicilongo litsi: “Tfukulula letingilosi letine letiboshwe emfuleni lomkhulu iYufrathe.”

Sembulo 9:4

Satjelwa kutsi singaboni tjani bemhlaba, nome yini leluhlata lekhulako, nome sihlahla, intfo nje sicondzane ngco nebantfu labangenalo luphawu lwaNkulunkulu emabuntini abo.