Sembulo 6:10 - Siswati 1996 Bible

¹⁰ Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

Sembulo 6:10 Cross References

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

Tihlabelelo 119:84

Inceku yakho iyawulindzela kuze kube ngunini? Uyawubehlulela nini laba labangitingelela kungihlupha?

Tihlabelelo 13:1

Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

Tihlabelelo 35:17

Simakadze, kuyawuze kube ngunini ungibukelela? Ngisindzise ebudloveni babo, wephule umphefumulo wami kulamabhubesi!

Tihlabelelo 79:10

Betive basholani kutsi: “Uphi-ke loNkulunkulu wabo?” Shangatsi kuphindzisela kwakho singakubona kwenteka kulabo labacitse ingati yetinceku takho.

Tihlabelelo 9:12

Yena ungumenaneli kulabacitsa ingati, uyabakhumbula labahluphekile, akakukhohlwa kukhala kwalabasenhluphekweni.

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Sililo 3:64

Awu Simakadze, buyisela kuto loko lokufanele tandla tato.

Danyela 12:6

Lomunye wabo wakhuluma kulona labembetse telineni, labesetikwalamanti alomfula, watsi: “Kuyawuze kube ngunini, solomane tingakagcwaliseki tonkhe letintfo letimangalisa kangaka?”

Danyela 8:13

Ngase ngiva longcwele akhuluma, nalomunye longcwele wakhuluma kuye, watsi: “Kutawutsatsa sikhatsi lesidze kangakanani kuze kugcwaliseke lombono, umbono lomacondzana nemihlatjelo yemalanga onkhe nalobuphekula lobubanga incitsakalo, namacondzana nekunikelwa kwendzawo lengcwele nekwelibutfo lasezulwini lelitawugcotjwagcotjwa ngetinyawo?”

Zakhariya 1:12

Ingilosi yaSimakadze yatsi: “Simakadze Somandla, kuyawuze kube ngunini solomane sihawu sakho usigodlele iJerusalema nemadolobha akaJuda, lowawuwatfukutselele kuleminyaka lengema-70?”

Lukha 2:29

“Nkhosi, sengimbonile lona wawungetsembise kutsi ngitambona, ngako sengingafa ngekuthula,

Lukha 21:22

Phela lamalanga ngesijeziso, newekugcwaliseka kwako konkhe lokushiwo ngimiBhalo.

KubaseRoma 12:19

Bazalwane bami, ningatiphindziseleli, kodvwa yekelelani konkhe elulakeni lwaNkulunkulu; ngobe kubhaliwe kutsi: “Kuphindzisela ngekwami, mine ngiyawubuyisela, kusho iNkhosi.”

KumaHebheru 12:24

nakuJesu, uMlamuli wesivumelwane lesisha. Ingati yakhe isiphatsele lokukhulu kunengati ya-Abela.

2 yaPhetro 2:1

Nakadzeni babevele bakhona baphrofethi bemanga emkhatsini wesive, kanjalo-ke nalapha emkhatsini wenu batawuvela baphrofethi bemanga, labatawungenisa timfundziso temanga letibhubhisako, baphike uMbusi lowabatsenga, ngaloko-ke batawube batidvonsela kubhujiswa lokusheshisako.

Sembulo 11:18

Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 18:24

Kwatfolakala kuwe ingati yebaphrofethi, neyalabangcwele, neyabo bonkhe lababulawa emhlabeni.”

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi:

Tikhulu 16:28

Samsoni wathandaza kuSimakadze, watsi: “Awu, Somandla, Simakadze, ngikhumbule kube kanye. Nkulunkulu wami, ngicinise kwekugcina. Ngivumele ngihlasele kanye ngitiphindzisele kumaFilisti ngenca yemehlo ami lamabili.”

1 Samuweli 24:12

Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.