Sembulo 4:9 - Siswati 1996 Bible

⁹ Njalo nje nangabe letidalwa letine tatibabata bukhosi bakhe, timdvumise, tibonga lowo lohleti esihlalweni sebukhosi, nalophila kuze kube phakadze,

Sembulo 4:9 Cross References

Tihlabelelo 47:8

Nkulunkulu ubusa etikwetive, Nkulunkulu uhleti esihlalweni sakhe lesingcwele sebukhosi.

Tihlabelelo 48:14

kutsi loNkulunkulu unguNkulunkulu wetfu phakadze naphakadze; uyawusihola ngisho nasekufeni.

Eksodusi 15:18

Simakadze uyawubusa phakadze naphakadze.”

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Danyela 12:7

Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Dutheronomi 32:40

Ngiphakamisela sandla sami ezulwini, ngimemetele ngitsi: ‘Njengobe ngiphila kuze kube phakadze,

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

KumaHebheru 7:8

Kwelishumi kwemukelwa baphristi lababuye bafe; kodvwa ngaMelkhisedeki kwelishumi kwemukelwa ngulophilako, njengobe umBhalo usho.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 10:6

yamfunga yena lophila kuze kube phakadze, lowadala lizulu nako konkhe lokukulo, nemhlaba nako konkhe lokukuwo, nelwandle nako konkhe lokukulo, yatsi: “Kutawubate lokutawubambelela!

Sembulo 15:7

Lesinye saletidalwa letine sanika letingilosi letisikhombisa titja tegolide letisikhombisa tigcwele lulaka lwaNkulunkulu lophila kuze kube phakadze.

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”

Sembulo 4:2

Masinyane ngaba kuMoya, kwabonakala ezulwini kume sihlalo sebukhosi, kukhona bekahleti kuso.

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”

Sembulo 5:1

Esandleni sekudla salowo lohleti esihlalweni sebukhosi ngabona incwadzi legocotiwe ibhalwe ngekhatsi nangephandle, ivalwe yananyatseliswa ngetimphawu letisikhombisa.

Sembulo 6:16

Bamemeta tintsaba nemadvwala batsi: “Welani etikwetfu, nisifihle ebusweni balowo lohleti esihlalweni sebukhosi, naselulakeni lweliWundlu,

Sembulo 7:15

Kungako nje basembikwesihlalo sebukhosi saNkulunkulu, bamkhonta imini nebusuku ethempelini lakhe; lowo lohlala esihlalweni sebukhosi uyawubasingatsa ngebukhona bakhe.