Sembulo 4:7 - Siswati 1996 Bible

⁷ Sidalwa sekucala sasifanana nelibhubesi, sesibili sifanana nelitfole, sesitsatfu sifanana nebuso bemuntfu, sesine sifanana nelusweti lolundizako.

Sembulo 4:7 Cross References

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

2 Samuweli 1:23

“Sawula naJonathani basaphila babetsandvwa, baligugu, nasekufeni abazange behlukane. Bebanematubane kwendlula emangce, bebanemandla kwendlula emabhubesi.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Hezekeli 1:10

Buso bato babubukeka kanje: Nguleso naleso kuletidalwa letine sasinebuso bemuntfu, ngesekudla kwaso sinebuso belibhubesi, ngesancele sinebuso benkhomo, ngemuva sinebuso belusweti.

Hezekeli 1:8

Ngaphansi kwetimphiko tato kulemihlubulo yato lemine tatinetandla temuntfu. Totine tatinebuso netimphiko,

Hezekeli 10:14

Lilinye lalamakherubhi lalinebuso lobune: Bekucala buso kwakubuso belikherubhi, besibili kubuso bemuntfu, besitsatfu kubuso belibhubesi, besine kubuso belusweti.

Hezekeli 10:21

Lilinye lalinebuso lobune, netimphiko letine, nangaphansi kwetimphiko tawo kwakunentfo leyayifanana netandla temuntfu.

Danyela 7:4

“Sekucala sasinjengelibhubesi, futsi sasinetimphiko telusweti: Ngabukisisa, taze timphiko taso tahleshulwa, lesilo saphakanyiswa emhlabatsini kuze sime ngetinyawo taso letimbili njengemuntfu, sase sinikwa inhlitiyo yemuntfu.

Obadiya 1:4

Nome likhaya lakho ungalakha etulu, njengelusweti, nome ungalakha emkhatsini wetinkhanyeti, mine ngiyawukudzilitela phansi.

Numeri 23:24

Lesive sivuka njengelibhubesi lelisikati, siphakame njengenkunzi yelibhubesi, lelingaphumuli lingakayidli layicedza inyamatane leliyibambile, linatse nengati yaleto tinyamatane lelitibulele.”

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,

Sembulo 4:6

Embikwesihlalo sebukhosi kwakukhona lokwakunjengelwandle loluyingilazi, lolwalukhanya kubonakale ngale. Kwakutungelete sihlalo sebukhosi kulolo nakulolo luhlendlo, tidalwa letine, leso naleso sinemehlo lamanyenti ngembili nangemuva.

Sembulo 6:3

Latsi liWundlu nalicatulula luphawu lwesibili, ngeva sidalwa sesibili sitsi: “Wota!”

Sembulo 6:5

LiWundlu laphindze lacatulula luphawu lwesitsatfu, ngase ngiva sidalwa sesitsatfu sitsi: “Wota!” Kwachamuka lihhashi lelimnyama, lona labeligibele aphetse silinganiso esandleni sakhe.

Sembulo 6:7

Latsi liWundlu nalicatulula luphawu lwesine, ngeva livi lesidalwa sesine litsi: “Wota!”