Sembulo 4:5 - Siswati 1996 Bible

⁵ Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.

Sembulo 4:5 Cross References

Genesisi 15:7

Watsi kuye: “NginguSimakadze lowakukhipa e-Uri yemaKhaledi, kutsi ngitekupha lelive libe lakho.”

2 Tikhronike 4:20

netintsi tetibane tegolide lecengekile, netibane takhona letatitabovutsa njale nje embikwendzawo lengcwelengcwele, njengobe kwakumisiwe,

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 20:18

Batsi bantfu nabakuva lokudvuma nekukhala kwelicilongo babona nemibane nentfutfu yembese intsaba, bonkhe bantfu betfuka batfutfumela ngenca yekwesaba, bema bucalu.

Eksodusi 25:37

Yenta tibane letisikhombisa kulesicu utimise titewukhanyisa ngembili kwalesicu.

Eksodusi 37:23

Wenta tibane talolutsi taba sikhombisa, wenta tijubantsambo tato netitsebe tato ngegolide lecengekile.

Hezekeli 1:13

Simo saletidalwa letiphilako sasifanana nemalahle lavutsako emlilo nome tinjengetidlwane. Umlilo wawehla wenyuka lapha emkhatsini waletidalwa. Lomlilo wawumanyatela, kuphuma umbane kuwo.

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Zakhariya 4:2

Yangibuta, yatsi: “Ubonani?” Ngaphendvula, ngatsi: “Ngibona lutsi lwetibane luyigolide lonkhe, lunesitja lesinemafutsa ngetulu, netibane letisikhombisa kulo, netimbobo letisikhombisa tetintsambo tetibane talo.

Matewu 25:1

“Ngaleso sikhatsi umbuso welizulu uyawufanana netintfombi letilishumi letatsatsa tibane tato, taphuma tayawuhlangabeta umyeni.

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Imisebenti yebaPhostoli 2:3

Kwabonakala kubo inkhehlenkhehle yemlilo kusengatsi yetilimi letehlukana ekhatsi, tahlala emuntfwini ngamunye ngamunye.

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 10:3

Yamemeta ngelivi lelikhulu lelalinjengelekubhodla kwelibhubesi. Yatsi kube imemete, kwevakala kudvuma lokusikhombisa.

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.

Sembulo 5:6

Ngabona liWundlu sengatsi lihlatjiwe. Lalime ngasesihlalweni sebukhosi lesasitungeletwe tidalwa letine nemalunga. LeliWundlu lalinetimphondvo letisikhombisa nemehlo lasikhombisa, lekuyimimoya yaNkulunkulu lesikhombisa leyayitfunyelwe emhlabeni wonkhe.

Sembulo 8:5

Lengilosi yasitsatsa lesitja yasigcwalisa ngemlilo lowawuselatini, yawujikijela emhlabeni; kwase kuba khona kudvuma, nemavi, nemibane nekutamatama kwemhlaba.