Sembulo 3:9 - Siswati 1996 Bible

⁹ Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.

Sembulo 3:9 Cross References

Esta 8:17

Kuwo onkhe emadolobha nemave lapho kwefika khona lesimemetelo sasebukhosini emaJuda ajabula aze aba nelilanga lekubonga, kwaba nemadzili, kwajatjulwa kwaba njeya. Empeleni bantfu labanyenti bavele bagucula iminyango baba ngemaJuda, ngobe phela abesanesitfunti, esatjwa.

Eksodusi 11:8

Mosi wephetsa inkhulumo yakhe ngekutsi: “Tonkhe tiphatsimandla takho tiyawukuta tikhotsame embikwami, tingincenge titsi: ‘Wena, nalabantfu labakulandzelako, hambani la.’ Emvakwaloko-ke ngiyawuvele ngihambe.” Mosi waphuma atfukutsele abila, washiya Faro.

Isaya 43:4

Njengobe wena uligugu kimi, uhloniphekile emehlweni ami, nanjengobe ngikutsandza nje, ngitawunikela bantfu ngenca yakho, netive ngitishintjise ngekuphila kwakho.

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Johane 17:23

mine ngikubo, nawe ukimi, bapheleliswe ebunyeni, kuze live lati kutsi wangitfuma nekutsi nabo uyabatsandza, njengobe nami wangitsandza.

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

1 Samuweli 2:36

Bonkhe bendlu yakenu labayawube basele bayawuta bakhotsame embikwakhe, bakhotsamele inhlavana yesiliva nelucetwana lwesinkhwa, batincengele, batsi: “Ngicela mane ungivumele ngisite baphristi, kumbe ngingamane ngitfole lucetwana lwesinkhwa.” ’ ”