Sembulo 3:10 - Siswati 1996 Bible

¹⁰ Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:10 Cross References

Isaya 24:17

Kwesabisa, nemgodzi kanye nelugibe kulindzele nine, yebo, nine bantfu bemhlaba.

Danyela 12:10

Labanyenti bayawuhlanjululwa babe msulwa, bacengisiswe kahle bangabi nasici, kodvwa lababi bayawuchubeka babe babi kakhulu. Kute namunye walababi loyawukuvisisa, kodvwa laba labahlakaniphile bayawukuvisisa kahle.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Matewu 24:14

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

Matewu 26:41

Lindzani, nithandaze, kuze ningetikungena ekulingweni! Umoya uyavuma, kodvwa inyama ibutsakatsaka.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Makho 14:9

Ngicinisile, ngitsi kini: Nome kukuphi lapho liVangeli liyawushunyayelwa khona emhlabeni wonkhe, loku lakwentile kuyawuba sikhumbuto ngaye.”

Lukha 2:1

Kulawo malanga Khesari, Agustusi, wamemetela kubo bonkhe bantfu bembuso kutsi kubhaliselwe lubalo.

Johane 17:6

“Ligama lakho ngilatisile kulabo longiphe bona. Babevele babakho, wangipha bona. Baligcinile livi lakho.

KubaseRoma 1:8

Kwekucala, ngibonga Nkulunkulu wami ngaJesu Khristu, ngani nonkhe; ngobe umhlaba wonkhe ubabata kukholwa kwenu.

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

Kubase-Efesu 6:13

Ngako-ke hlomani tikhali tonkhe taNkulunkulu, khona nitewuba nemandla ekulwa ngelilanga lelibi, nitsi nome senicedzile kulwa, nigcine nincobile.

2 kuThimothi 2:12

Nasicinisela, siyawubusa kanye naye; nasimphika, naye futsi uyawusiphika.

YaJakobe 3:12

Bazalwane bami, sihlahla semkhiwa singatitsela yini titselo temncumo, nome umvini temkhiwa? Sicobho lesikhipha emanti lababako singeke siwavete lamnandzi.

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 11:10

Bantfu labahlala emhlabeni bayawukutsakasela kufa kwabo labo bofakazi. Bayawugubha imikhosi, bephane netipho, ngobe phela labaphrofethi lababili bese babahluphile emhlabeni.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 13:14

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 14:12

Loku kubita kucinisela kwalabangcwele, labo labagcina imiyalo yaNkulunkulu nekukholwa nguJesu.

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.

Sembulo 16:14

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.

Sembulo 17:2

Emakhosi emhlaba aphingana nayo. Bonkhe bantfu bemhlaba badzakwa kunatsa liwayini lebugwadla bayo.”

Sembulo 17:8

Lesilo losibonile sake saphila, kodvwa nyalo asisaphili; sesitawuphuma kulomgodzi longenamkhawulo siye ekubhujisweni. Bantfu labakhe emhlabeni labamabito abo langabhalwanga encwadzini yekuphila, seloku kwasekelwa umhlaba, bayawumangala, nababona lesilo, ngobe sasiphila, kodvwa nyalo asisaphili, noko siyawuphindze sivele.

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.

Sembulo 3:8

Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

Sembulo 8:13

Kwatsi kusenjalo ngabona lusweti lundiza emkhatsini welizulu. Ngaluva lumemeta ngelivi lelikhulu lutsi: “Maye! Maye! Maye kulabakhile emhlabeni, nasekukhala emacilongo lasetawushaywa tingilosi letintsatfu!”