Sembulo 21:11 - Siswati 1996 Bible

¹¹ Lalinenkhatimulo yaNkulunkulu. Kukhanya kwalo kwakumengetela njengelitje leliligugu nalelidule kakhulu; lalinjengejasiphi lecwebetelako.

Sembulo 21:11 Cross References

Jobe 28:17

Ingeke ilinganiswe ngisho nanegolide nengilazi, futsi ngeke yenaniswe ngisho nangetintfo letiligugu tegolide.

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Hezekeli 1:22

Lokwakwendlaleke ngetulu kwetinhloko taletidalwa kwakuyintfo leyayifanana nemkhatsi, kucwebetela njengangcocwane, futsi kwesabeka.

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Hezekeli 28:16

Ngekutsengisa kwakho lokunyenti wagcwala budlova, wase uyona. Ngako ngakulahla ngobe ungcolile ngekwemtsetfo, ngakususa entsabeni yaNkulunkulu, ngakucosha, awu, kherubhi lelalingumelusi, wesuka emkhatsini wematje emlilo.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Sembulo 15:8

Lithempeli lagcwaliswa ngentfutfu yenkhatimulo nemandla aNkulunkulu, bekute muntfu labengahle abe nemandla ekungena ethempelini tingakapheli tinhlupho letisikhombisa tetingilosi letisikhombisa.

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Sembulo 22:5

Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.

Sembulo 4:3

Nalowo labehleti kuso abenebuso lobukhatimulisa kwelitje lejasiphe nesadiyu; lesihlalo sebukhosi sasitungeletwe ngumushi wenkosazana lowawufanana nelitje leliluhlata leliligugu.

Sembulo 4:6

Embikwesihlalo sebukhosi kwakukhona lokwakunjengelwandle loluyingilazi, lolwalukhanya kubonakale ngale. Kwakutungelete sihlalo sebukhosi kulolo nakulolo luhlendlo, tidalwa letine, leso naleso sinemehlo lamanyenti ngembili nangemuva.