Sembulo 20:9 - Siswati 1996 Bible

⁹ Tenyuka tahlakateka nemhlaba wonkhe, tafike tatungeleta inkambu yebantfu baNkulunkulu nemuti lotsandzekako. Kwehla umlilo uphuma ezulwini, watidla tonkhe.

Sembulo 20:9 Cross References

Genesisi 19:24

Simakadze wanisa imvula yesibabule nemlilo, iphuma ezulwini, kwana etikweSodoma neGomora.

2 Emakhosi 6:15

Inceku yemuntfu waNkulunkulu Elisha yatsi iyavuka ekuseni, iphumela ngephandle, yakhangwa ngulenkhulu imphi yemahhashi netincola leyase itungelete lonkhe lidolobha. Yaphutfuma ku-Elisha kuyawuhlaba umkhosi, yatsi: “Awu! nkhosi yami! Sitakwenta njani?”

Jobe 38:18

Ubucondza kahle yini bubanti bemhlaba? Ase ungitjele, nangabe uyakwati konkhe loku.

Tihlabelelo 106:18

kwalumekeka umlilo ebutfweni labo, lilangabi lashisa lacedza bonkhe lababi.

Tihlabelelo 87:2

Emasango aseSiyoni uwatsandza kakhulu kunayo yonkhe imiti yakaJakobe.

Tihlabelelo 97:3

Embikwakhe kuvutsa umlilo udle titsa ngala nangala.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Hezekeli 38:9

Wena kanye nawo onkhe emabutfo akho netive letinyenti letinawe niyawukhuphuka, nishulungane njengesihhuhhula semoya, niyawuba njengelifu lelimbonya live.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Numeri 11:1

Sive sacala sasola Simakadze ngenca yetinhlupheko taso; watsi kube asive, lulaka lwakhe lwabavutsela. Watfumela umlilo lowavutsa emkhatsini wabo, waze washisa nalababesemaphetselweni enkambu.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Lukha 17:29

Mhlazana Loti esuka eSodoma, umlilo nesibabule kwana kuphuma ezulwini, kwababulala bonkhe.

Lukha 19:43

Ngobe ayeta emalanga lapho titsa takho tiyawukuhlasela, tikuvimbetele tikuvalele ndzawo tonkhe.

Lukha 21:20

“Nanibona iJerusalema itungeletwe timphi, nibovele nati kutsi seyitawubhidlitwa.

Lukha 9:54

BoJakobe naJohane, bafundzi bakhe, nabakubona loku, batsi: “Nkhosi, uyafuna yini sibite umlilo wehle ezulwini ubacedze bonkhe?”

Dutheronomi 23:14

Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

KumaHebheru 13:13

Ngako-ke asiphumele kuye ngephandle kwenkambu setfwalisane naye lihlazo lakhe;

Sembulo 11:5

Nakukhona lotama kubalimata, kutawuphuma umlilo emlonyeni wabo utishise uticedze tonkhe leto titsa tabo; nangabe-ke kukhona lotama kubalimata, nakanjani uyawubulawa.

Sembulo 13:13

Senta tibonakaliso letinkhulu, ngisho nekwehlisa umlilo ezulwini wehlele emhlabeni embikwebantfu bonkhe babuka.