Sembulo 2:7 - Siswati 1996 Bible

⁷ “ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”

Sembulo 2:7 Cross References

Genesisi 2:9

Nkulunkulu Simakadze wamilisa emhlabatsini tonkhe tihlahla letibukekako letimnandzi; ekhatsi nensimi wamilisa sihlahla sekuphila kanye nesihlahla sekwati lokuhle nalokubi.

Taga 11:30

Sitselo salolungile sisihlahla sekuphila; kodvwa lohlakaniphile uzuza imiphefumulo.

Taga 13:12

Nangabe kufezeka kwematsemba emuntfu kwephuta, inhlitiyo yakhe iyacindzeteleka; kodvwa kufezeka kwesifiso kuletsa emandla.

Taga 15:4

Emavi ekubuyisana angumutsi wekuphila; kodvwa emavi elulaka ephula umphefumulo.

Taga 3:18

Kusihlahla sekuphila kulabakuphutfumako; labo labakubamba bakunkonkoshele ngulabo labajabulako.

Hezekeli 28:13

Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Hezekeli 31:8

Imisedari leyayisengadzeni yaNkulunkulu ayizange ikhone kulinganiswa nawo, ngisho netihlahla tetipheshula tatingeke tilingane nemagala awo lamakhulu, ngisho netihlahla tepleni tatingeke tilinganiswe nemagala awo, kute sihlahla engadzeni yaNkulunkulu lebesingalinganiswa nebuhle bawo.

Matewu 11:15

Lowo lonendlebe yekuva akeve.

Matewu 13:43

Lapho bantfu baNkulunkulu bayawukhanya njengelilanga embusweni weYise. “Lalelani-ke, naninendlebe yekuva.”

Matewu 13:9

“Lonendlebe yekuva akeve!”

Makho 4:9

Jesu wephetsa ngekutsi: “Lonendlebe yekuva akeve.”

Makho 7:15

Kute kudla lokungena ngemlomo lokungahle kumngcolise umuntfu, kepha lokumngcolisako umuntfu nguloko lokuphuma kuye. [

Makho 7:16

“Lonendlebe akeve loko lengikushoko.”]

Lukha 23:43

Jesu watsi kuso: “Ngikutjela kutsi: Lamuhla utakuba nami ePharadisi.”

Lukha 8:8

Lenye yawela emhlabatsini lovundzile, yamila, yatsela ngemakhulu.” Jesu wase utsi-ke: “Lonendlebe yekuva akeve!”

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

1 kubaseKorinthe 2:10

Nkulunkulu ukwembulile kitsi ngaMoya wakhe; ngobe Moya Longcwele uhlolisisa konkhe, ngisho nalokujulile kwaNkulunkulu.

2 kubaseKorinthe 12:4

kutsi wenyuselwa ePharadisi lapho efike weva tintfo letiyimfihlo, kangangekutsi kute umuntfu lekufanele atikhulume.

1 yaJohane 2:13

Ngibhalela nine, bobabe, ngobe niyamati Yena, loseloku aphila kusukela ekucaleni. Ngibhalela nani, majaha, ngobe nimehlulile Lomubi.

Sembulo 13:9

Lowo lonendlebe akeve!

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”

Sembulo 15:2

Ngabona shangatsi lwandle lolusangilazi, luhlanganiswe nemlilo. Labo lababehlule silo, nemfanekiso waso, nenombolo yelibito laso, babeme ngakulo lolwandle lolusangilazi, baphetse emahabhu aNkulunkulu etandleni tabo.

Sembulo 2:11

“ ‘Lowo lonendlebe akeve loko lokushiwo nguMoya emabandleni! “ ‘Lowo loncobako ngeke kumente lutfo kufa kwesibili.’ ”

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

Sembulo 22:2

Ageleta ehla nemgwaco welikhaya. Ngale nangale kwalomfula bekunesihlahla sekuphila. Besitsela titselo emahlandla lali-12 ngemnyaka, lokusho kutsi kanye ngenyanga. Emacembe aso abephilisa tive.