Sembulo 19:9 - Siswati 1996 Bible

⁹ Lengilosi yatsi kimi: “Bhala utsi: Babusisiwe labo labamenyelwe edzilini lemshado weliWundlu.” Yachubeka yatsi kimi: “Lawa ngemavi aNkulunkulu laliciniso.”

Sembulo 19:9 Cross References

Isaya 8:1

Simakadze wakhuluma kimi, watsi: “Tsatsa incwadzi lenkhulu legocotwako ubhale kuyo ngelutsi lolwetayelekile, utsi: Maheri Shalali Hashi Bazi.

Habakhuki 2:2

Simakadze wase uyaphendvula, watsi: “Bhala phansi lesembulo, usibhale sicace kuletibhelekeca, kuze kutsi kufundzeke kahle.

Lukha 22:16

ngobe nginitjela kutsi: Ngingeke ngiphindze ngilidle futsi, lize ligcwaliseke embusweni waNkulunkulu.”

1 kuThimothi 1:15

Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.

1 kuThimothi 4:9

Lelivi letsembekile, lifanele kwemukelwa ngibo bonkhe.

2 kuThimothi 2:11

Letsembekile lelivi lelitsi: “Nasafa kanye naye, siyawuphila kanye naye futsi.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

Sembulo 1:1

Lesi Sembulo saJesu Khristu, lasiniketwa nguNkulunkulu kutsi akhombise tinceku takhe loko lokufanele kwenteke masinyane. Letintfo watembula ngekutfumela ingilosi yakhe encekwini yakhe lenguJohane.

Sembulo 1:19

Manje-ke, bhala konkhe lokubonako: lokukhona nalokutakwenteka ngemvakwaloko.

Sembulo 10:4

Kwatsi kube kuvakale lokudvuma lokusikhombisa, ngase ngilungiselela kubhala, kodvwa ngeva livi liphuma ezulwini litsi: “Loko lokushiwo kudvuma lokusikhombisa ungakubhali phansi; kugcine kuyimfihlo.”

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.

Sembulo 17:17

Ngobe Nkulunkulu ukufake etinhlitiyweni tato kutsi tifeze injongo yakhe, ngekutsi tibe mcondvo munye, tinikete bukhosi bato kulesilo, kuze kugcwaliseke emavi aNkulunkulu.

Sembulo 2:1

“Bhalela ingilosi yelibandla lase-Efesu utsi: “ ‘Nali livi leliphuma kuye lophetse tinkhanyeti letisikhombisa esandleni sakhe sangesekudla, lohamba emkhatsini wetibane letisikhombisa tegolide, utsi:

Sembulo 2:12

“Bhalela ingilosi yelibandla lasePhegamu utsi: “ ‘Nali livi leliphuma kuye lonenkemba lekhalipha tinhlangotsi totimbili, utsi:

Sembulo 2:18

“Bhalela ingilosi yelibandla laseThiyathira utsi: “ ‘Nali livi leliphuma kuye loyiNdvodzana yaNkulunkulu, lonemehlo lavutsako kube shangatsi ngemalangabi emlilo, nalonetinyawo letifanana nelitfusi lelilolongiwe, utsi:

Sembulo 2:8

“Bhalela ingilosi yelibandla laseSmuna utsi: “ ‘Nali livi leliphuma kuye lokucala nekugcina, lowafa wabuye waphila, utsi:

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”

Sembulo 22:6

Ingilosi yatsi kimi: “Lamavi etsembekile, futsi acinisile. INkhosi Nkulunkulu legcwalisa baphrofethi ngaMoya wayo itfumele ingilosi yayo kutsi ikhombise tinceku tayo loko lokutakwenteka masinyane.”

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi:

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi: