Sembulo 19:8 - Siswati 1996 Bible

⁸ Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.

Sembulo 19:8 Cross References

Tihlabelelo 132:9

Baphristi bakho abembatse kulunga, labangcwele bakho bahlabele ngekwetsaba.

Taga 31:22

Wenta tembeso temibhedze, embatse timphahla letentiwe ngakotini locolisakele naletibukhwebeletane.

Isaya 3:23

netibuko, netingubo telineni lecolisakele, nemishuculo kanye nematjalo.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Hezekeli 16:10

Ngakwembatsisa ngengubo lehlotjiswe kahle, ngakufaka tincabule tesikhumba etinyaweni takho. Ngakwembatsisa ngelineni lecolisakele, ngakwembesa ngetembatfo letidulile.

Hezekeli 44:17

“ ‘Nabangena emasangweni esibuya lesingekhatsi, kufanele bembatse timphahla telineni; akukafaneli bembatse imphahla leyentiwe ngensontfo, ngesikhatsi benta inkonzo emasangweni esibuya sangekhatsi nome ngekhatsi ethempelini.

Matewu 17:2

Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Matewu 22:12

yatsi kuye: ‘Mnganami, ungene njani lapha ungenayo ingubo yemshado?’ Kepha yena wathula.

Makho 9:3

Tingubo takhe tacwebetela taba mhlophe nke, kwakungekho muntfu emhlabeni jikelele labengatenta tibe mhlophe njengato.

Lukha 24:4

Bema bangacondzisisi kahle ngaloku, batsi betfuka, kwase kume eceleni kwabo emadvodza lamabili embetse tingubo letikhatimulako.

Imisebenti yebaPhostoli 1:10

Babeloku babukisisile etulu nakahamba, kwase kubonakala emadvodza lamabili embetse letimhlophe eme eceleni kwabo.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 15:6

Kwaphuma kulo tingilosi letisikhombisa tiphetse tinhlupho letisikhombisa tatembetse tingubo telineni lehlantekile, tikhanya timhlophe. Etifubeni tatitibophe ngemibhenso yegolide.

Sembulo 19:14

Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.