Sembulo 19:14 - Siswati 1996 Bible

¹⁴ Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 19:14 Cross References

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Taga 31:22

Wenta tembeso temibhedze, embatse timphahla letentiwe ngakotini locolisakele naletibukhwebeletane.

Isaya 3:23

netibuko, netingubo telineni lecolisakele, nemishuculo kanye nematjalo.

Zakhariya 14:5

Niyawubalekela ngasesigodzini sentsaba yami, ngobe lesigodzi siyawufikela e-Aseli. Yebo, niyawubaleka njengamhlazane nibalekela kutamatama kwemhlaba ngesikhatsi sa-Uziya, inkhosi yakaJuda. Simakadze-ke longuNkulunkulu wami uyawube sewuyefika kanye nabo bonkhe labangcwele bakhe.

Matewu 21:5

“Khulumani kuyo iNdvodzakati yaseSiyoni kutsi: ‘Bheka iNkhosi yakho ita kuwe, itfobekile, igibele embongolweni, yebo, etfoleni, enkhonyaneni yembongolo.’ ”

Matewu 26:53

Ucabanga kutsi bengingete ngacela yini mine kuBabe angehlisele tinkhulungwane letingetulu kweli-12 tetingilosi?

Matewu 28:3

Lengilosi yayinjengembane, timphahla tayo tatimhlophe njengesitfwatfwa.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

YaJuda 1:14

Enoki lowesikhombisa esitukulwaneni sa-Adamu, wakhuluma kadzeni ngalabantfu watsi: “INkhosi iyawufika kanye netinkhulungwane tetinkhulungwane talabangcwele bayo.

Sembulo 14:1

Ngatsi ngiyabuka ngabona liWundlu eNtsabeni yaseSiyoni lime nebantfu labati-144 000; babenelibito lalo, neleYise libhalwe emabuntini abo.

Sembulo 14:20

Lamagelebisi ahluteka kulelitje lekuhluta lelingephandle kwelidolobha lelikhulu. Kulelitje kwaphuma ingati leyageleta; libanga lebudze lalingemastadiyu layi-1 600, kujula kwakungangekusuka phansi kuye ematomini elihhashi.

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.

Sembulo 3:4

Noko usenabo bantfu labambalwa lapho eSadesi labangakatingcolisi tingubo tabo, bayawuhamba nami bagcoke letimhlophe, ngobe vele bakufanele.

Sembulo 4:4

Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.