Sembulo 18:1 - Siswati 1996 Bible

¹ Emvakwaloko ngabona lenye ingilosi lenkhulu yehla iphuma ezulwini, ineligunya lelikhulu. Inkhatimulo yayo yakhanyisa umhlaba wonkhe.

Sembulo 18:1 Cross References

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Lukha 17:24

Njengembane ubaneka uvundla kabili esibhakabhakeni, iyawuba njalo neNdvodzana yeMuntfu ngelilanga layo.

2 kubaseThesalonika 2:8

bese-ke lowo longenamtsetfo uyembulwa; Jesu iNkhosi uyawumbhubhisa ngemoya wemlomo wakhe, amcedze ngekubonakala kwenkhatimulo yekufika kwakhe.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.

Sembulo 17:7

Kodvwa ingilosi yangibuta yatsi: “Umangaliswa yini? Ngitakutjela imfihlakalo yalomfati, neyalesilo lesimetfwele lesinetinhloko letisikhombisa netimphondvo letilishumi.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.