Sembulo 17:9 - Siswati 1996 Bible

⁹ “Loku kubita ingcondvo lenekuhlakanipha: Tinhloko letisikhombisa tingemagcuma lasikhombisa lapho kuhleti khona umfati, tingemakhosi lasikhombisa.

Sembulo 17:9 Cross References

Danyela 12:4

Kodvwa wena Danyela, wavalele uze uwashicilele lamavi alencwadzi legocotwako, kuze kube nguleso sikhatsi sekugcina. Labanyenti bayawukwehla benyuka bafuna kwati kutsi kwentekani.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 24:15

“Ngako-ke nanibona sinengisoncitsakalo sime endzaweni lengcwele, njengobe asho umphrofethi Danyela,” (lofundzako akacaphele inchazelo yaloku),

Sembulo 13:1

Ngabona silo siphuma elwandle, sasinetimphondvo letilishumi, netinhloko letisikhombisa, kuleyo nakuleyo nhloko kwakuneligama lelihlambalatako.

Sembulo 13:18

Loku-ke kubita kuhlakanipha: Lowo lonekucondza akabale inombolo yalesilo; ngobe lenombolo imele umuntfu. Lenombolo ingema-666.

Sembulo 17:18

“Lomfati lombonile lidolobha lelikhulu lelibusa emakhosi emhlaba.”

Sembulo 17:3

Lengilosi yangitsatsa, ngikuMoya, yangimikisa ehlane, ngulapho ngabona khona umfati ahleti etikwesilo lesibovu lesasinemagama lahlambalata Nkulunkulu. Lesilo sasinetinhloko letisikhombisa netimphondvo letilishumi.

Sembulo 17:7

Kodvwa ingilosi yangibuta yatsi: “Umangaliswa yini? Ngitakutjela imfihlakalo yalomfati, neyalesilo lesimetfwele lesinetinhloko letisikhombisa netimphondvo letilishumi.