Sembulo 17:4 - Siswati 1996 Bible

⁴ Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.

Sembulo 17:4 Cross References

1 Emakhosi 14:24

Kwaze kwaba khona ngisho netitabane kuleto tindzawo tekukhontela tithico. Sive sakaJuda senta tonkhe leto tintfo letilihlazo letatentiwa nguletive Simakadze labetidvungulule ngesikhatsi nakufika sive sema-Israyeli.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

Ezra 9:11

lowasinika yona ngetinceku takho baphrofethi ngesikhatsi utsi: ‘Lelive lenitawungena kulo kutsi libe lenu, live lese lingcoliswe kungcola kwetive talo. Letintfo letinengekako lenitentako setiligcwalise ngekungcola nebubi lelive kusuka ngala kwalo kuye ngale kwalo.

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Jeremiya 51:7

IBhabhulona bekuyindzebe yegolide esandleni saSimakadze; yadzakisa wonkhe umhlaba. Tive tanatsa liwayini layo, ngako manje setiyahlanya.

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Hezekeli 20:30

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Nitawutingcolisa yini nani njengaloku boyihlo benta bakhanukana netitfombe tabo letenyanyekako?

Hezekeli 24:11

Ubobe sewubeka lelibhodo lelingenalutfo etikwemalahle, lize lishise nelitfusi lalo limanyatele, kuze kutsi nekungcola kwalo kuncibilike, netincwencwe talo tize tishe tiphele.

Hezekeli 24:13

“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.

Hezekeli 28:13

Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Danyela 11:38

Esikhundleni sabo iyawuhlonipha nkulunkulu wetinqaba, nkulunkulu labangazange bamati boyise, iyawumhlonipha ngegolide nangesiliva, nangematje laligugu, nangetipho letidulile.

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.

Dutheronomi 29:17

Natibonela nine titfombe tabo letinengekako, kanye netithico tabo telugodvo, netematje, netesiliva, netegolide.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”

Sembulo 18:12

imphahla yegolide, neyesiliva, neyematje ladulile, neyemapharele, neyelineni lecolisakele, nalebubendze, neyesilika, nalebovu, neyato tonkhe tihlahla temakha, naletentiwe ngematinyo etindlovu, nato tonkhe letilitfusi, netensimbi, netemabuli,

Sembulo 18:16

batsi: ‘Maye! Waze wabhubha dolobha lelikhulu! Yeka kwembatsiswa kwakho ngelineni lecolisakele, nalebukhwebeletane, nalebovu, nekuhlotjiswa ngegolide, nangematje laligugu, nangemapharele!

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Sembulo 21:21

Lamasango lali-12 bekungemapharele lali-12; lelo nalelo sango lalakhiwe ngelipharele linye. Umgwaco walelo khaya bewuyigolide lecwebile lenjengengilazi lekubonakala ngale kwayo.

Sembulo 9:21

Abazange baphendvuke ekubulaleni kwabo, nasekutsakatseni kwabo, nasebugwadleni babo, nasebuphingini babo, nasekwebeni kwabo.