Sembulo 17:16 - Siswati 1996 Bible

¹⁶ Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.

Sembulo 17:16 Cross References

Jobe 31:31

Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’

Tihlabelelo 27:2

Nangihlaselwa ngulababi betama kungimita bangibulale, ngihlaselwe titsa nalabamelene nami, bayawukhubeka, bawele phansi.

Danyela 7:5

“Ngatsi ngisabukile, naku embikwami sekume lesinye silo sesibili, sona-ke sasinjengelibhele. Saphakanyiswa ngalomunye wemihlubulo yaso, sasinetimbambo letintsatfu emlonyeni waso emkhatsini wematinyo aso, satjelwa kwatsiwa: ‘Vuka, udle, wesutse inyama.’

Levithikusi 21:9

Nangabe indvodzakati yemphristi itingcolisa ngekugwadla, ihlazisa uyise, iyawushiswa ngemlilo ize ife.

Sembulo 12:3

Kwavela lesinye sibonakaliso ezulwini. Kwakungunyokangwenya lobovu lomkhulu anetinhloko letisikhombisa, netimphondvo letilishumi, nemichele lesikhombisa etinhloko takhe.

Sembulo 16:12

Ingilosi yesitfupha yatfululela sitja sayo etikwemfula lomkhulu i-Yufrathe. Emanti awo oma, kwavuleka indlela yemakhosi laphuma emphumalanga.

Sembulo 17:10

Lasihlanu awo awile, yinye lekhona, lena lenye-ke isengakefiki. Nayifika, iyawubusa sikhashana.

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”

Sembulo 18:8

Ngako-ke tinhlupheko tayo tiyawufika ngalanga linye: kufa, lusizi, nendlala. Iyawushiswa ngemlilo, ngobe inemandla iNkhosi Nkulunkulu leyehlulelako.”

Sembulo 19:18

Wotani nitewudla inyama letidvumbu temakhosi, netetindvuna, netemadvodza lanemandla, netemahhashi kanye netebagibeli bawo, netabo bonkhe bantfu, labakhululekile netigcili, labancane nalabakhulu.”