Sembulo 16:4 - Siswati 1996 Bible

⁴ Ingilosi yesitsatfu yatfululela sitja sayo emifuleni nasetiyalwini temanti. Emanti agucuka, aba yingati.

Sembulo 16:4 Cross References

Tihlabelelo 78:44

Imifula yabo wayigucula yaba yingati, ngako behluleka kunatsa kuyo lemifula.

Eksodusi 8:5

Simakadze wakhuluma kuMosi, watsi: “Tjela Aroni utsi: ‘Yelula sandla sakho lesinendvuku usibhekise ngasemifuleni, nasemachaphotini, nasetitibeni wente tigogodvolo tiphumele ngaphandle emhlabatsini eveni laseGibhithe.’ ”

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Hezekeli 35:8

Tintsaba takho ngiyawutigcwalisa ngalabo labagwaziwe; yebo, labo lababulewe ngenkemba bayakuwa etikwemagcuma akho, nasetihosheni takho, nakuyo yonkhe imifudlana yakho.

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Sembulo 11:6

Laba banemandla ekuvala litulu kutsi lingani ngesikhatsi sekuphrofetha kwabo. Banemandla etikwemanti kutsi bawagucule abe yingati. Banemandla futsi ekushaya umhlaba ngako konkhe kuhlupheka nome kukangaki, kuye njengekutsandza kwabo.

Sembulo 14:7

Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”

Sembulo 16:5

Ngase ngiva ingilosi lephetse emanti itsi: “Wena, Longcwele, lokhona, nalabekhona, ulungile; tehlulelo takho timsulwa: