Sembulo 16:2 - Siswati 1996 Bible

² Ingilosi yekucala yahamba yafike yatfululela sitja sayo emhlabeni. Kwatsi bonkhe bantfu lababeneluphawu lwesilo, labebakhonta umfanekiso waso, bamilwa tilondza letibi.

Sembulo 16:2 Cross References

2 Tikhronike 21:15

Kwawena nje cobo lwakho utawugulela kufa, uphatfwe sifo lesingelapheki sekuphuma kancane kancane kwematfumbu lasanetilondza.’ ”

2 Tikhronike 21:18

Emvakwako konkhe loko, Simakadze washaya Jehoramu ngesifo lesingelapheki setibilini.

Tihlabelelo 78:26

Wenta umoya wemphumalanga kutsi uphephetse emazulwini, emandla akhe abuyisa umoya waseningizimu.

Isaya 3:17

Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”

Isaya 3:24

Esikhundleni sekunuka kwemakha, kutawunuka luboti; esikhundleni semijijimba kube tintsambo, esikhundleni setinwele letentiwe kahle kutawuba nemphandla; esikhundleni setembatfo letinhle kutawuba ngemasaka; esikhundleni sebuhle kutawuba nesishadza.

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

Dutheronomi 28:27

Simakadze uyakunishaya ngematfumba aseGibhithe, nangetimila, nangetilondza letincincako, nangelukhwekhwe lolulumako leningasoze nelapheke kuto.

Dutheronomi 28:35

Simakadze uyawushaya emadvolo enu nemilente yenu ngematfumba labuhlungu nalangeke elapheke, layawubhidlika kusukela esitsendzeni selunyawo kuyewufika etinweleni tenhloko.

Dutheronomi 7:15

Simakadze utanigcina aniphephise kuto tonkhe tifo. Angeke anijezise ngetifo letesabekako lenatibona eGibhithe, kodvwa uyakubajezisa ngato labo labanitondzako.

Sembulo 13:12

Sasebentisa onkhe emandla esilo sekucala ngeligunya laso; saphocelela umhlaba nabo bonkhe labahlala kuwo kutsi bakhonte lesilo sekucala leselashwa saphiliswa encebeni laso lekufa.

Sembulo 14:16

Ngako lowo bekahleti etikwelifu walijikijela emhlabeni lelisikela lakhe, umhlaba wase uyavunwa-ke.

Sembulo 14:9

Kwalandzela ingilosi yesitsatfu; yakhuluma ngelivi lelikhulu yatsi: “Nakukhona lokhonta silo nemfanekiso waso, emukele neluphawu lwaso ebuntini lakhe nasesandleni sakhe,

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”

Sembulo 16:11

Bacalekisa Nkulunkulu wasezulwini ngenca yebuhlungu babo netilondza tabo, kodvwa bangete baphendvuka emisebentini yabo lemibi.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

1 Samuweli 5:6

Sandla saSimakadze saba matima kubantfu base-Ashdodi nakubomakhelwane bayo; wabaletsela imbhubhiso, wabashaya nangematfumba.

1 Samuweli 5:9

Kodvwa atsi kube alisuse, sandla saSimakadze salivukela lelo dolobha, langenelwa kutfutfumela lokukhulu. Bantfu balo, labadzala nalabancane, bashaywa ngekubhedvuka kwematfumba.