Sembulo 16:12 - Siswati 1996 Bible

¹² Ingilosi yesitfupha yatfululela sitja sayo etikwemfula lomkhulu i-Yufrathe. Emanti awo oma, kwavuleka indlela yemakhosi laphuma emphumalanga.

Sembulo 16:12 Cross References

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 44:27

Ngimi lokhuluma nekujula kwemanti atsi: ‘Yoma, ngitakomisa imifudlana yakho.’

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Isaya 8:7

ngako-ke Simakadze sewutakwehlisela etikwaso sikhukhula semanti lanemandla emfula iYufrathe, yinkhosi yase-Asiriya nabo bonkhe bukhosi bayo. Lomfula uyawugcwala uphuphume kuyo yonkhe imifula yakhona, netihoshana takhona, ugole tintsetse,

Jeremiya 51:36

Ngako-ke, naku lokushiwo nguSimakadze, utsi: “Buka la, ngiyakuyivikela indzaba yakho, ngikubuyiselele; ngiyakomisa lwandle lwelive lemaBhabhulona ngente imitfombo yalo yome.

Sembulo 11:14

Maye wesibili sewendlulile, kodvwa masinyane maye wesitsatfu sewutawufika.

Sembulo 17:15

Lengilosi yase itsi kimi: “Lamanti lowabonile, lapho kuhleti khona lengwadla, abantfu, nemindeni, netive, netilimi ngetilimi.

Sembulo 7:2

Ngase ngibona lenye ingilosi yenyuka iphuma emphumalanga, iphetse luphawu lwaNkulunkulu lophilako; yamemeta ngelivi lelikhulu, imemeta letingilosi letine letatinikwe emandla ekulimata umhlaba nelwandle,

Sembulo 9:14

likhuluma kulengilosi yesitfupha leyayinelicilongo litsi: “Tfukulula letingilosi letine letiboshwe emfuleni lomkhulu iYufrathe.”