Sembulo 15:8 - Siswati 1996 Bible

⁸ Lithempeli lagcwaliswa ngentfutfu yenkhatimulo nemandla aNkulunkulu, bekute muntfu labengahle abe nemandla ekungena ethempelini tingakapheli tinhlupho letisikhombisa tetingilosi letisikhombisa.

Sembulo 15:8 Cross References

Tihlabelelo 29:9

Liphimbo laSimakadze litalisa tinyamatane liphundle emahlatsi asale akhanya, nelithempeli lonkhe lidvumisa ngekumemeta ngavi linye, litsi: “Ludvumo!”

Eksodusi 19:18

Yonkhe leNtsaba iSinayi yasibekelwa lifu, ngobe Simakadze abesehlele etikwayo ngemlilo. Intfutfu yenyuka njengentfutfu yembutfuma yemlilo; yonkhe intsaba yatamatama.

Isaya 6:4

Ngemsindvo wemaphimbo alamaserafi tinsika teminyango kanye netisekelo tayo kwatfutfumela, nelithempeli lagcwala umusi wentfutfu.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Sililo 3:44

Utimbonye ngelifu, kuze kutebate umthandazo longefika kuwe.

Levithikusi 16:2

Simakadze wakhuluma kuMosi watsi: “Tjela Aroni, umnakenu, kutsi angangeni nome ngunini emvakwendvwangu lesendzaweni lengcwelengcwele, embikwesihlalo semusa lesisebhokisini lesivumelwane funa afe, ngobe ngivela ngisefini lelisetikwesihlalo semusa.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.

Sembulo 15:1

Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 21:11

Lalinenkhatimulo yaNkulunkulu. Kukhanya kwalo kwakumengetela njengelitje leliligugu nalelidule kakhulu; lalinjengejasiphi lecwebetelako.