Sembulo 15:6 - Siswati 1996 Bible

⁶ Kwaphuma kulo tingilosi letisikhombisa tiphetse tinhlupho letisikhombisa tatembetse tingubo telineni lehlantekile, tikhanya timhlophe. Etifubeni tatitibophe ngemibhenso yegolide.

Sembulo 15:6 Cross References

Danyela 10:5

ngatsi ngiyabuka, ngabona embikwami kume umuntfu embetse telineni, atibophe ngelibhande legolide lecengekile elukhalo.

Lukha 24:4

Bema bangacondzisisi kahle ngaloku, batsi betfuka, kwase kume eceleni kwabo emadvodza lamabili embetse tingubo letikhatimulako.

Sembulo 1:13

Emkhatsini wato kwakukhona labefanana neNdvodzana yemuntfu, embetse umjiva lomudze, abophe ngembhenso wegolide esifubeni sakhe.

Sembulo 14:15

Lenye ingilosi yaphuma ethempelini, imemeta lona bekahleti etikwelifu ngelivi lelikhulu itsi: “Tfumela lelo sikela lakho, kuvunwe, ngobe sikhatsi sekuvuna sesifikile, tonkhe tilimo sekufanele tivunwe.”

Sembulo 14:17

Kwaphuma lenye ingilosi ethempelini lelisezulwini; nayo futsi yayinelisikela lelikhaliphako.

Sembulo 15:1

Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.