Sembulo 15:3 - Siswati 1996 Bible

³ Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 15:3 Cross References

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

1 Tikhronike 6:49

Kodvwa Aroni netitukulwane takhe bekungabo lababetfula iminikelo elatini lekushisa iminikelo kanye naselatini lemphepho. Umsebenti wabo bekukukhonta endzaweni lengcwelengcwele kanye nekwentela Israyeli inhlawulo yekubuyisana naNkulunkulu, ngekulandzela yonkhe imiyalo Mosi, inceku yaNkulunkulu, latsi ayentiwe.

2 Tikhronike 24:6

Ngako inkhosi yabita Jehoyada, umPhristi Lomkhulu, yatsi kuye: “Awukawatjeli ngani emaLevi kutsi aletse umtselo lophuma kaJuda naseJerusalema lowasungulwa nguMosi, inceku yaSimakadze, kanye nenhlanganiso yema-Israyeli kutsi ube welithende lebufakazi?”

Nehemiya 9:14

Wabatisa liSabatha lakho lelingcwele, wabanika imiyalo, netimiso kanye nemitsetfo ngenceku yakho Mosi.

Jobe 36:24

Khumbula-ke nawe kudvumisa imisebenti yakhe, njengaloku bantfu bahlala bahlabela ngetindvumiso.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 100:5

Ngobe Simakadze muhle, umusa wakhe uhlala umile kuze kube nguphakadze naphakadze; nekwetsembeka kwakhe kuhlala kumile titukulwane ngetitukulwane.

Tihlabelelo 105:5

Khumbulani timangaliso takhe latentile, nikhumbule tibonakaliso takhe, kanye netehlulelo temlomo wakhe,

Tihlabelelo 111:2

Mikhulu imisebenti yaSimakadze! Iphenywa ngibo bonkhe labatfokota ngayo.

Tihlabelelo 111:7

Imisebenti yetandla takhe yetsembekile, futsi ilungile; yonkhe imitsetfo yakhe yetsembekile.

Tihlabelelo 139:14

Ngiyakudvumisa ngobe ngentiwe ngendlela leyesabekako nalemangalisako. Imisebenti yakho iyamangalisa, loko ngikwati kahle kamhlophe.

Tihlabelelo 145:17

Simakadze ulungile kuto tonkhe tindlela takhe, unemusa emisebentini yakhe yonkhe.

Tihlabelelo 145:6

Bantfu bayawubabata bukhulu bemandla akho, nami ngibabate bukhulu bakho.

Tihlabelelo 18:30

Indlela yaNkulunkulu ilungile, livi laSimakadze letsembekile. Yena usihlangu sabo bonkhe labaphephela kuye.

Tihlabelelo 78:12

Wenta timangaliso embikwabokhokho babo, endzaweni yaseSowani eveni laseGibhithe.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Danyela 6:20

Yatsi kube ifike edvute nemgodzi wemabhubesi, yamemeta Danyela ngeliphimbo lelidzabukile, yatsi: “Danyela, nceku yaNkulukulu lophilako, loNkulunkulu wakho, lomkhonta njalonjalo, ukhonile yini kukulamlela emabhubesini?”

Danyela 9:11

Wonkhe Israyeli uwephulile umtsetfo wakho, weduka wala kulalela livi lakho. “Ngako-ke ticalekiso letibhalwe emtsetfweni waMosi, inceku yaNkulunkulu, setitfululelwe etikwetfu ngenca yekona kwetfu kuwe.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Zefaniya 3:5

Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Dutheronomi 31:30

Mosi wabe sewucamba emavi alengoma, wawasho onkhe ngenhloko kusukela ekucaleni kuye ekugcineni. Sive sonkhe saka-Israyeli sasilalele.

Dutheronomi 32:3

Ngiyawumemetela Libito laSimakadze, kudvunyiswe bukhulu baNkulunkulu wetfu.

Dutheronomi 34:5

Mosi, inceku yaSimakadze, wafela khona lapho kulakaMowabi, njengobe Simakadze abeshito.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

KumaHebheru 3:5

Mosi kambe abetsembekile kuko konkhe endlini yaNkulunkulu njengenceku, kuze kube bufakazi baleto tintfo lebekutawukhulunywa ngato kamuva.

Joshuwa 22:5

Kodvwa nibocaphelisisa kutsi niyayigcina imiyalo nemtsetfo Mosi, inceku yaSimakadze, laninika yona: kutsandza Simakadze Nkulunkulu wenu, nekuhamba kuto tonkhe tindlela takhe, nekulalela imiyalo yakhe, nekunamatsela kuye, kanye nekumkhonta ngenhlitiyo yenu yonkhe nangemphefumulo wenu wonkhe.”

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.

Sembulo 11:17

atsi: “Siyakubonga, Nkhosi Nkulunkulu, Somandla, lokhona, nalabekhona, ngekutsi utsatse emandla akho lamakhulu, wabusa.

Sembulo 14:3

Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”

Sembulo 19:16

Engutjeni yakhe nasetsangeni lakhe kubhalwe libito lelitsi: “INkhosi yemakhosi, uMbusi webabusi.”

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”