Sembulo 15:1 - Siswati 1996 Bible

¹ Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 15:1 Cross References

Danyela 6:27

Uyalamulelana abuye asindzise; wenta tibonakaliso netimangaliso emazulwini kanye nasemhlabeni. Ulamulele Danyela emandleni emabhubesi.”

Levithikusi 26:21

“ ‘Nanichubeka kumelana nami nale nekungilalela, lokuhlupheka kwenu ngiyawukuphindza kasikhombisa kuye ngaleto tono lenitentile.

Sembulo 10:3

Yamemeta ngelivi lelikhulu lelalinjengelekubhodla kwelibhubesi. Yatsi kube imemete, kwevakala kudvuma lokusikhombisa.

Sembulo 11:14

Maye wesibili sewendlulile, kodvwa masinyane maye wesitsatfu sewutawufika.

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.

Sembulo 14:19

Ngako lengilosi yalijikijela emhlabeni lisikela layo, yajuba emagelebisi emvinini, yawafaka etjeni lekuhluta lentfukutselo yaNkulunkulu.

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.

Sembulo 21:9

Lenye yaletingilosi letisikhombisa letatiphetse titja letatigcwele tinhlupheko tekugcina letisikhombisa yeta kimi, yafike yatsi: “Kota, ngitekukhombisa makoti, umkaWundlu.”

Sembulo 8:13

Kwatsi kusenjalo ngabona lusweti lundiza emkhatsini welizulu. Ngaluva lumemeta ngelivi lelikhulu lutsi: “Maye! Maye! Maye kulabakhile emhlabeni, nasekukhala emacilongo lasetawushaywa tingilosi letintsatfu!”

Sembulo 8:2

Ngase ngibona tingilosi letisikhombisa time embikwaNkulunkulu, tanikwa emacilongo lasikhombisa.

Sembulo 8:6

Tingilosi letatisikhombisa letatiphetse emacilongo lasikhombisa tatilungiselela kuwashaya.

Sembulo 9:20

Kepha bantfu lababesele bangete bafa kuletinhlupho, abazange baphendvuke emisebentini yetandla tabo. Kodvwa bachubeka bakhonta emadimoni netithico tegolide, netesiliva, netelitfusi, netelitje, netemitsi: tintfo letingaboni, naletingeva, naletingahambi.