Sembulo 14:3 - Siswati 1996 Bible

³ Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 14:3 Cross References

Tihlabelelo 144:9

Ngiyawuhlabela kuwe, Nkulunkulu, ngihlabele ingoma lensha, ngishaye ihabhu lenetintsambo letilishumi.

Tihlabelelo 149:1

Simakadze mhlabeleleni ingoma lensha, nimdvumise ebandleni lalabangcwele.

Tihlabelelo 25:14

Timfihlakalo takhe, Simakadze, utinika labamesabako, abafundzise kwati sivumelwane sakhe.

Tihlabelelo 33:3

Mhlabeleleni ingoma lensha, niyidlale ngebuciko, nimemete ngekujabula.

Tihlabelelo 40:3

Wafaka ingoma lensha emlonyeni wami, ingoma yekudvumisa Nkulunkulu wetfu. Labanyenti bayawubona bamesabe, babeke litsemba labo kuSimakadze.

Tihlabelelo 96:1

Hlabelani ingoma lensha kuSimakadze, hlabelani kuSimakadze, mhlaba wonkhe!

Tihlabelelo 98:1

Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.

Isaya 42:10

Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.

1 kubaseKorinthe 1:18

Livi lesiphambano libulima kulababhubhako, kodvwa kitsi tsine lesisindziswako lingemandla aNkulunkulu.

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.

Sembulo 14:1

Ngatsi ngiyabuka ngabona liWundlu eNtsabeni yaseSiyoni lime nebantfu labati-144 000; babenelibito lalo, neleYise libhalwe emabuntini abo.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.

Sembulo 7:4

Ngase ngitjelwa sibalo salababekwe luphawu kutsi bati-144 000. Babephuma kuto tonkhe tive taka-Israyeli: