Sembulo 13:10 - Siswati 1996 Bible

¹⁰ Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 13:10 Cross References

Isaya 14:2

Tive tiyakuwatsatsa tiwamikise endzaweni yawo. Lababendlu yaka-Israyeli bayawutsatsa betive, babasebentise njengetigcili tabo letidvuna naletisikati eveni laSimakadze. Batfumbi babo bayawubenta batfunjwa babo, babuse etikwebacindzeteli babo.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Jeremiya 15:2

Nabakubuta, batsi: ‘Sitawuyaphi?’ batjele utsi: ‘Naku lokushiwo nguSimakadze, utsi: “ ‘Labo labamiselwe kufa, ekufeni; labo labamiselwe inkemba, enkembeni, labo labamiselwe indlala, endlaleni, labo labamiselwe kutfunjwa, ekutfunjweni.’ ”

Jeremiya 43:11

Uyawuta ahlasele iGibhithe, abaletsele kufa labo labemiselwe kufa, aletsele nekutfunjwa kulabo labamiselwe kutfunjwa, nenkemba kulabo labemiselwe inkemba.

Sililo 3:26

Kuhle kuyilindzela ngekuthula nangekubeketela insindziso yaSimakadze.

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Matewu 26:52

Jesu watsi kuye: “Buyisela inkemba yakho emgodleni wayo, ngobe bonkhe labaphatsa inkemba bayawufa ngenkemba.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

Lukha 21:19

Ciniselani ngekubeketela kwenu, niyawutisindzisa ngaloko.”

KubaseKholose 1:11

Sinincusela kutsi Nkulunkulu anicinise ngemandla ebukhosi bakhe, kuze kutsi nome sekuvelani kodvwa nine nisime, nime, nibeketele ngekujabula,

KumaHebheru 6:12

Sifisa kutsi ningavilaphi, kodvwa nibe njengabo labo labadla lifa letetsembiso ngekukholwa nangekubeketela.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 11:18

Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”

Sembulo 14:12

Loku kubita kucinisela kwalabangcwele, labo labagcina imiyalo yaNkulunkulu nekukholwa nguJesu.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 17:11

Lesilo lesasiphila, nyalo asisaphili, siyinkhosi yesiphohlongo kulawo lasikhombisa. Lesilo siya ekubhujisweni.

Sembulo 17:8

Lesilo losibonile sake saphila, kodvwa nyalo asisaphili; sesitawuphuma kulomgodzi longenamkhawulo siye ekubhujisweni. Bantfu labakhe emhlabeni labamabito abo langabhalwanga encwadzini yekuphila, seloku kwasekelwa umhlaba, bayawumangala, nababona lesilo, ngobe sasiphila, kodvwa nyalo asisaphili, noko siyawuphindze sivele.

Sembulo 2:19

Ngiyayati imisebenti yakho, nelutsandvo, nekukholwa, nekukhonta, nekucinisela kwakho, nekutsi imisebenti yakho yamuva iyayendlula leya yakucala.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.