Sembulo 12:3 - Siswati 1996 Bible

³ Kwavela lesinye sibonakaliso ezulwini. Kwakungunyokangwenya lobovu lomkhulu anetinhloko letisikhombisa, netimphondvo letilishumi, nemichele lesikhombisa etinhloko takhe.

Sembulo 12:3 Cross References

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Isaya 9:15

Labadzala nemadvodza langimisumphe ngubona bayinhloko. Baphrofethi labafundzisa emanga bona bangumsila.

Danyela 2:41

Njengobe ubonile nje kutsi tinyawo netintwane, incenye yako bekulibumba lelishisiwe kantsi lena lenye incenye bekuyinsimbi, ngako lowo kuyawuba ngumbuso lowehlukene ekhatsi; noko uyawuba nemandla ensimbi kuwo, kuye njengobe ubonile, lensimbi beyihlangene nelibumba.

Danyela 2:42

Njengobe tintwane betihlanganiswe kwaba yinsimbi nelibumba, kanjalo nalowo mbuso nganhlanye uyawuba nemandla, kutsi nganhlanye ube yintekenteke.

Danyela 7:20

Ngabuta futsi nangaletimphondvo letatilishumi letatisenhloko yaso, nangalolu lolunye luphonjwana lolwase luyamila, lapho kwatsi letintsatfu takucala tase tiyahhohloka embikwalo, loluphondvo lwalunemehlo nemlomo lowawukhuluma ngekutigabatisa kantsi lwalubukeka lwengama leti letinye.

Danyela 7:24

Letimphondvo letilishumi ngemakhosi lalishumi layawuvela kulombuso. Emvakwawo kuyawuvela lenye inkhosi leyakwehluka kulawa lamanye akucala; iyawutfobisa emakhosi lamatsatfu.

Sembulo 12:1

Kwase kuba khona sibonakaliso lesikhulu ezulwini, umfati embetse lilanga, inyanga ingaphansi kwetinyawo takhe, enhloko kunemchele wetinkhanyeti letili-12.

Sembulo 12:13

Watsi kube nyokangwenya abone kutsi sewulahlelwe phansi emhlabeni, watingela lomfati labetele indvodzana.

Sembulo 12:17

Nyokangwenya wamtfukutselela kakhulu lomfati, wahamba wayawulwa nensali yentalo yakhe, labo labagcina imiyalo yaNkulunkulu nalabanebufakazi baJesu.

Sembulo 12:4

Umsila wakhe wahudvula incenye yesitsatfu yetinkhanyeti tesibhakabhaka, watilahla emhlabeni. Nyokangwenya wema embikwalomfati labesatawubeleka, entela kutsi alumite lusabelekwa nje loluswane.

Sembulo 12:7

Kwesuka imphi ezulwini. Mikhayeli netingilosi takhe balwa nanyokangwenya; nyokangwenya akanye netingilosi takhe naye walwa,

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 13:1

Ngabona silo siphuma elwandle, sasinetimphondvo letilishumi, netinhloko letisikhombisa, kuleyo nakuleyo nhloko kwakuneligama lelihlambalatako.

Sembulo 13:2

Lesilo sasifanana nengwe, tinyawo taso tatifanana netelibhele, umlomo waso wawufanana newelibhubesi. Nyokangwenya wasinika emandla akhe, nesihlalo sakhe sebukhosi, nemagunya akhe lamakhulu.

Sembulo 13:4

Bantfu bakhonta lonyokangwenya, ngobe emandla akhe abewanike lesilo; lesilo basikhonta batsi: “Ngubani longalwa naso?”

Sembulo 15:1

Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 16:13

Ngase ngibona imimoya lemibi lemitsatfu: Lomunye wawuphuma emlonyeni wanyokangwenya, lomunye uphuma emlonyeni wesilo, lomunye uphuma emlonyeni wemphrofethi wemanga. Lemimoya beyinjengetigogodvolo.

Sembulo 17:12

“Letimphondvo letilishumi lotibonile tingemakhosi lalishumi lasengakacali kubusa, kodvwa ayakwemukeliswa emandla ekubusa kanye nesilo sikhashana nje.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.

Sembulo 17:7

Kodvwa ingilosi yangibuta yatsi: “Umangaliswa yini? Ngitakutjela imfihlakalo yalomfati, neyalesilo lesimetfwele lesinetinhloko letisikhombisa netimphondvo letilishumi.

Sembulo 19:12

Emehlo akhe abenjengemalangabi emlilo, enhloko yakhe bekunemichele leminyenti; abenelibito lebelibhaliwe lelingatiwa ngumuntfu ngaphandle kwakhe.

Sembulo 20:2

Yabamba nyokangwenya, inyoka lendzala, lekutsiwa nguMhlebi nome nguSathane; yambopha ngeluketane iminyaka leyinkhulungwane.