Sembulo 12:2 - Siswati 1996 Bible

² Abetetfwele, wakhala ngenca yemihelo, nekusikwa buhlungu bekubeleka.

Sembulo 12:2 Cross References

Isaya 26:17

Njengemfati lokhulelwe nasatawubeleka, uyajilajileka, akhale ngenca yemihelo, natsi sasinjalo ebukhoneni bakho, awu, Simakadze!

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Isaya 54:1

“Hlabela, wena mfati loyinyumba, wena longazange sewumtale umntfwana; hlokoma uhlabele, memeta ngekujabula, wena longazange sewuhelwe, ngobe banyenti bantfwana bemfati lolahliwe kunebemfati lonendvodza,” kusho Simakadze.

Isaya 66:6

Vanini umsindvo losedolobheni, nive nemsindvo losethempelini! Ungumsindvo waSimakadze atiphindzisela etitseni takhe ngenca yetento tato.

Mikha 4:9

Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Matewu 24:8

Konkhe loku kukucala kwemihelo.

Johane 16:21

Nangabe umfati asatawubeleka, ubaselusizini, ngobe sikhatsi sebuhlungu sesifikile. Kodvwa nasambelekile umntfwana, ubukhohlwa bonkhe lobo buhlungu, ngobe ujatjuliswa kutalwa kwemntfwana.

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

KubaseGalathiya 4:27

Ngobe kubhaliwe kutsi: “Jabula, wena mfati loyinyumba, longatalanga mntfwana, jabula, nome ungahelwanga; ngobe lomfati losaliwakati unebantfwana labanyenti kunemfati loyintsandvokati.”

Sembulo 12:4

Umsila wakhe wahudvula incenye yesitsatfu yetinkhanyeti tesibhakabhaka, watilahla emhlabeni. Nyokangwenya wema embikwalomfati labesatawubeleka, entela kutsi alumite lusabelekwa nje loluswane.