Sembulo 11:18 - Siswati 1996 Bible

¹⁸ Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”

Sembulo 11:18 Cross References

Tihlabelelo 103:11

Njengobe emazulu aphakeme ngetulu kwemhlaba, unjalo-ke nemusa wakhe kulabamesabako.

Tihlabelelo 110:5

Simakadze ungesekudla sakho, uyawuwacitsa onkhe emakhosi, mhlazana asatfukutsele.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 2:5

Wase ukhuluma kubo ngentfukutselo yakhe, ubakhahla ngelulaka lwakhe, utsi:

Tihlabelelo 85:9

Ngempela insindziso yakhe isedvute kulabo labamesabako, kuze live letfu libe neludvumo lwakhe,

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Umshumayeli 8:12

Nome lomubi enta bubi kalikhulu, achubeke aphile sikhatsi lesidze, ngiyati kutsi kuyakubahambela kahle labo labesaba Nkulunkulu, bahloniphe Nkulunkulu.

Danyela 11:44

Kodvwa imibiko levela emphumalanga nasenyakatfo iyakuyetfusa, bese itihlelela kuphuma nemphi lenkhulu, iyewubhubhisa labanyenti bangaphindzi babe khona.

Danyela 7:26

“ ‘Kodvwa behluleli bayawuhlala, lenkhosi iyakwemukwa emandla ayo ekubusa, icitfwe kokuphela.

Danyela 8:25

Iyawuphumelelisa lokungemanga, ititsatse ngekutsi yona ingulongetulu. Bayawutsi nasebativela kutsi bavikelekile, ibabhubhise linyenti labo, imelane nembusi webaphatsi. Noko yona iyawubhujiswa, kodvwa hhayi ngemandla ebantfu.

Matewu 5:12

Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

Sembulo 10:7

Kodvwa kutawutsi ngesikhatsi selivi lengilosi yesikhombisa, nase itawushaya licilongo layo, kufezeke imfihlakalo yaNkulunkulu, njengobe abetsembisile etisebentini takhe, baphrofethi.”

Sembulo 11:2

Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 13:16

Lesilo saphocelela bonkhe labancane nalabakhulu, ticebi netimphuya, labakhululekile netigcili, kutsi babekwe luphawu ngulowo nalowo esandleni sakhe sangesekudla nome ebuntini.

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.

Sembulo 15:1

Ngase ngibona ezulwini lesinye sibonakaliso lesikhulu lesimangalisako. Tingilosi letisikhombisa taletsa tinhlupho letisikhombisa. Leti tinhlupho tekugcina, ngobe ngato lulaka lwaNkulunkulu luyapheleliswa.

Sembulo 15:7

Lesinye saletidalwa letine sanika letingilosi letisikhombisa titja tegolide letisikhombisa tigcwele lulaka lwaNkulunkulu lophila kuze kube phakadze.

Sembulo 18:6

Yiphatseni njengobe beyibaphetse labanye, nibuyisele kuyo ngalokuphindziwe, kuye ngemisebenti yayo. Nigcwalise indzebe yayo ibe nemandla ngalokuphindziwe kuloko leyakwenta kini.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.

Sembulo 19:18

Wotani nitewudla inyama letidvumbu temakhosi, netetindvuna, netemadvodza lanemandla, netemahhashi kanye netebagibeli bawo, netabo bonkhe bantfu, labakhululekile netigcili, labancane nalabakhulu.”

Sembulo 19:5

Kwevakala livi liphuma esihlalweni sebukhosi litsi: “Dvumisani Nkulunkulu wetfu, nonkhe nine tinceku takhe, nine labancane nani labakhulu lenimesabako.”

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.