Sembulo 1:11 - Siswati 1996 Bible

¹¹ litsi: “Bhala encwadzini loko lokubonako, bese uyitfumela emabandleni lasikhombisa: lase-Efesu, nelaseSmuna, nelasePhegamu, nelaseThiyathira, nelaseSadesi, nelaseFiladelfiya, nelaseLawodisiya.”

Sembulo 1:11 Cross References

Isaya 30:8

Hamba nyalo uyekubabhalela esibhelekeceni, kucophe encwadzini legocotwako, kuze kutsi ngemalanga letako kube bufakazi baphakadze.

Jeremiya 30:2

“Naku lokushiwo nguSimakadze, Nkulunkulu wema-Israyeli, utsi: ‘Bhala encwadzini onkhe emavi lengiwakhulume kuwe.’

Habakhuki 2:2

Simakadze wase uyaphendvula, watsi: “Bhala phansi lesembulo, usibhale sicace kuletibhelekeca, kuze kutsi kufundzeke kahle.

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

Imisebenti yebaPhostoli 18:24

Kwefika liJuda e-Efesu, libito lalo kungu-Apolosi, kungelekudzabuka e-Alekzandriya. Belikwati kukhuluma futsi liyati kakhulu imiBhalo.

Imisebenti yebaPhostoli 20:17

AseseMilethusi Pawula watfumela umlayeto e-Efesu wacela babonisi belibandla kutsi bamhlangabete.

1 kubaseKorinthe 15:32

Nangabe e-Efesu ngalwa nalokutsiwa tilwane, kungisita ngani loko? Nangabe labafile abavuswa: “Kuncono sidle sinatse, ngobe kusasa sitawufa.”

1 kubaseKorinthe 16:8

Kepha ngitawuhlala e-Efesu, kudzimate kufike lilanga lePhentekhoste.

Kubase-Efesu 1:1

Lencwadzi iphuma kuPawula, longumphostoli waKhristu Jesu ngekwentsandvo yaNkulunkulu. Iya kulabangcwele labase-Efesu labakholwa nguKhristu Jesu ngekwetsembeka.

Dutheronomi 31:19

“Manje tibhalele phansi lengoma uyifundzise sive sema-Israyeli, usihlabelelise yona, khona itewuba bufakazi bami kubo.

KubaseKholose 2:1

Ngiyatsandza kunatisa kutsi ngishikashikeka kangakanani ngenca yenu, nangenca yebaseLowadisiya nangabo bonkhe lengingazange ngibonane nabo buso nebuso.

1 kuThimothi 1:3

Njengobe ngakuyala, ngesikhatsi ngiya eMasedoniya, ngicela uhlale lapho e-Efesu, kukhona bantfu labanetimfundziso temanga lapho kuleyo ndzawo. Bancandze ubatjele bakuyekele loko.

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,

Sembulo 1:19

Manje-ke, bhala konkhe lokubonako: lokukhona nalokutakwenteka ngemvakwaloko.

Sembulo 1:2

Nguye futsi lowabhala lelivi laNkulunkulu, afakazela Jesu Khristu ngako konkhe labekubona.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.

Sembulo 10:4

Kwatsi kube kuvakale lokudvuma lokusikhombisa, ngase ngilungiselela kubhala, kodvwa ngeva livi liphuma ezulwini litsi: “Loko lokushiwo kudvuma lokusikhombisa ungakubhali phansi; kugcine kuyimfihlo.”

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”

Sembulo 19:9

Lengilosi yatsi kimi: “Bhala utsi: Babusisiwe labo labamenyelwe edzilini lemshado weliWundlu.” Yachubeka yatsi kimi: “Lawa ngemavi aNkulunkulu laliciniso.”

Sembulo 2:1

“Bhalela ingilosi yelibandla lase-Efesu utsi: “ ‘Nali livi leliphuma kuye lophetse tinkhanyeti letisikhombisa esandleni sakhe sangesekudla, lohamba emkhatsini wetibane letisikhombisa tegolide, utsi:

Sembulo 2:12

“Bhalela ingilosi yelibandla lasePhegamu utsi: “ ‘Nali livi leliphuma kuye lonenkemba lekhalipha tinhlangotsi totimbili, utsi:

Sembulo 2:18

“Bhalela ingilosi yelibandla laseThiyathira utsi: “ ‘Nali livi leliphuma kuye loyiNdvodzana yaNkulunkulu, lonemehlo lavutsako kube shangatsi ngemalangabi emlilo, nalonetinyawo letifanana nelitfusi lelilolongiwe, utsi:

Sembulo 2:24

“ ‘Kodvwa nonkhe nine lenisasele lapho eThiyathira, lenisengakangeni kulemfundziso, nani lenisengakatifundzi letintfo, labanye labatibita ngekutsi tintfo letijulile taSathane, kini-ke ngitsi: Anginetfwesi lomunye umtfwalo.

Sembulo 2:8

“Bhalela ingilosi yelibandla laseSmuna utsi: “ ‘Nali livi leliphuma kuye lokucala nekugcina, lowafa wabuye waphila, utsi:

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”

Sembulo 22:10

Yachubeka yatsi kimi: “Ungawafihli lamavi alesiphrofetho salencwadzi, ngobe sikhatsi sesisedvute.

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi:

Sembulo 3:4

Noko usenabo bantfu labambalwa lapho eSadesi labangakatingcolisi tingubo tabo, bayawuhamba nami bagcoke letimhlophe, ngobe vele bakufanele.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi: