Ruthe 3:10 - Siswati 1996 Bible

¹⁰ Bowazi watsi: “Shangatsi Simakadze angakubusisa, ndvodzakati yami. Ukhombise inhlonipho lenkhulu kimi kunalena loyikhombisa unyokotala. Ngisho phela ngobe naku awukagijimeli kuyakwendza emadvodzeni lasemancane, lacebile nome laphuyile.

Ruthe 3:10 Cross References

Genesisi 24:31

Wafike watsi: “Ngena, wena lobusiswe nguSimakadze, umeleni ngaphandle? Ngobe indzawo sengiyilungisile endlini, ngisho nendzawo yemakamela imbala.”

Ruthe 1:8

Nawomi wase ukhuluma kubomalukatane bakhe, watsi: “Ncandzekani, nibuyele emakhaya akini. Shangatsi Simakadze anganiphatsa ngemusa, njengobe benibaphetse ngemusa nani bafi, lababengemadvodzana ami, kantsi nami futsi beningiphetse kahle.

Ruthe 2:11

Bowazi waphendvula watsi: “Sebangitjele konkhe lokwentele unyokotala, seloku kwafa indvodza yakho. Bangitjela nangekusuka kwakho kini, washiya uyihlo nenyoko, nelive lakini lemdzabu, weta esiveni lowawungasati.

Ruthe 2:20

Nawomi watsi kumalukatane wakhe: “Shangatsi Simakadze lonemusa kulabaphilako nalabafile angambusisa.” Wachubeka watsi: “Lomuntfu usihlobo setfu sengati, ungulomunye walabo labafanele kusinakekela.”

Ruthe 2:4

Kwase kufika Bowazi aphuma eBhetlehema, wafike kubavuni watsi: “Simakadze akabe nani!” Bamphendvula batsi. “Simakadze akakubusise!”

Ruthe 3:9

Wambuta watsi: “Ungubani wena?” Wamphendvula watsi: “NginguRuthe, incekukati yakho, njengobe usihlobo sami sengati sengitetfula kuwe kutsi ungifukamele. Ngicela kutsi ungingene.”

1 Samuweli 15:13

Watsi kube Samuweli amkhandze, Sawula watsi kuye: “Simakadze akakubusise! Ngiwufezile umyalo waSimakadze.”