Ruthe 2:13 - Siswati 1996 Bible

¹³ Ruthe wamphendvula watsi: “Maye, ube nemusa kimi, mnumzane, ngobe sewungidvudvutile, wangikhulumisa ngemoya lomuhle mine ncekukati yakho, lite ngingesiye lomunye wetincekukati takho.”

Ruthe 2:13 Cross References

Genesisi 32:6

Titfunywa tabuya kuJakobe, tafike tatsi: “Simkhandzile umnakenu Esawu; naye sewuyeta utekuhlangabeta, uta nemadvodza langemakhulu lamane.”

Genesisi 33:10

Jakobe watsi: “Cha, mnaketfu, ngiyacela nangabe ngemukele umusa emehlweni akho semukele lesipho sami; ngobe kimi kubona buso bakho kunjengekubona buso baNkulunkulu, kakhulu nje ngobe nawe sewungemukele ngemoya lomuhle.

Genesisi 33:15

Esawu watsi: “Kuncono ngishiye lamanye kulamadvodza lengite nawo ete kanye nani.” Kodvwa Jakobe waphendvula watsi: “Ngiyabonga. Kodvwa loko bekungakadzingeki, kuphela kutsi ngitfole umusa emehlweni enkhosi yami.”

Genesisi 33:8

Esawu wabuta watsi: “Usho kutsini ngato tonkhe leticumbi lebengihambe ngihlangana nato?” Jakobe waphendvula watsi: “Ngicondze kutsi ngizuze umusa enkhosini yami, ngemukeleke.”

Genesisi 34:3

Inhlitiyo yakhe yanamatsela kuDina, wayitsandza lentfombatana, ngako wayisoma.

Genesisi 43:14

Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

2 Samuweli 16:4

Inkhosi yakhuluma kuSiba, yatsi: “Konkhe loku lebekukwaMefiboshethi sekwakho nyalo.” Siba waphendvula watsi: “Ngikhotsama ngekutitfoba. Shangatsi ngingatfola umusa emehlweni akho, nkhosi yami, nkhosi.”

Taga 15:33

Kwesaba Simakadze kufundzisa umuntfu kuhlakanipha. Nangabe umuntfu afuna kudvunyiswa, kufanele atitfobe kucala.

Hoseya 2:16

“Ngalelo langa uyawungibita utsi: ‘Ndvodza yami,’ ungeke uphindze ungibite utsi: ‘Bhali wami,’ ” kusho Simakadze.

KubaseFiliphi 2:3

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani.

Tikhulu 19:3

waze lomLevi wahamba wayakusincenga kutsi sibuye. Abehamba nesisebenti sakhe netimbongolo letimbili. Safike samngenisa endlini yeyise; uyise watsi nakambona, wamemukela ngekujabula.

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”

Ruthe 2:14

Nasekudliwa Bowazi wabita Ruthe watsi: “Kota lapha, utekudla nasi sinkhwa, usishibe ngeliwayini.” Ngako-ke wahlala kanye netisebenti, Bowazi wamnika imbasha; wadla waze wesutsa, kwadzimate kwasala.

1 Samuweli 1:18

Hana watsi: “Shangatsi incekukati yakho ingemukeleka emehlweni akho.” Wabe sewuyahamba wayakudla, nebuso bakhe abuzange buphindze bubonakale bujabhile.

1 Samuweli 25:41

Abigayili wakhotsama abhekise buso bakhe phansi, watsi: “Nansi incekukati yakho, ilungele kukukhonta, nekugeza tinyawo tetinceku tenkhosi yami.”