Ruthe 1:5 - Siswati 1996 Bible

⁵ BoMahaloni naKhiliyoni, bobabili, bafa; Nawomi wasala angenandvodza ate nendvodzana.

Ruthe 1:5 Cross References

Isaya 49:21

Uyawucabanga enhlitiyweni yakho utsi: ‘Ngubani lowangitalela laba, njengobe ngangihluphekile ngiyinyumba, ngangitfunjiwe futsi ngilahliwe? Bakhuliswa ngubani kepha laba? Ngasala ngingedvwa vo, kodvwa laba nyalo, sebaphumaphi?’ ”

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Lukha 7:12

Nakefika esangweni lelidolobha, wahlangana nebantfu baya emngcwabeni. Lendvodzana lebeyifile beyiyemfelokati, futsi bekukuphela kwayo. Sicumbi sebantfu sasimsingatsile lomfelokati.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Ruthe 1:2

Libito lalendvodza kwakungu-Elimeleki, umkayo kunguNawomi, emadvodzana ayo kunguMahaloni naKhiliyoni. Babebesive sema-Efratha eBhetlehema yakaJuda. Bafike bacaba bahlala kulo lelive lakaMowabi.

Ruthe 1:4

Lamadvodzana ateka bafati bakaMowabi; libito lalomunye umfati kwakungu-Opha, lomunye kunguRuthe. Bahlala lapho iminyaka lengaba lishumi.

Ruthe 1:6

Emvakwaloko Nawomi weva kutsi Simakadze ubabusisile bantfu bakubo ngekubapha inala. Ngako-ke wavele watilungiselela kuhamba nalaba bomalukatane bakhe.