Ruthe 1:20 - Siswati 1996 Bible

²⁰ Wabaphendvula watsi: “Hhayi, ningasangibiti ngekutsi nginguNawomi, sale senitsi nginguMara, ngobe Nkulunkulu Somandla ungihlanekele, wangiletsela kuhlupheka.

Ruthe 1:20 Cross References

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 43:14

Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

Jobe 11:7

“Ungakucondza yini kujula kwetimfihlakalo taNkulunkulu? Ungafinyelela yini emikhawulweni yaSomandla?

Jobe 19:6

yatini-ke kutsi nguNkulunkulu longonile, wangigigela ngelugibe lwakhe.

Jobe 5:17

“Maye, ubusisiwe umuntfu locondziswa nguNkulunkulu! Ngako ungakwedzeleli kuyalwa nguSomandla.

Jobe 6:4

Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Jobe 9:18

Abengeke angivumele ngiphindze ngitfole umphefumulo wami, kodvwa abeyawungifumbela ngekudzabuka nje.

Tihlabelelo 73:14

Ngihlushwa sonkhe sikhatsi, ngitsetsiswe onkhe emalanga.

Tihlabelelo 88:15

Ngihlupheke kakhulu ngabasengotini yekufa, kwasebusheni bami; ngashaywa luvalo, ngasangana.

Eksodusi 15:23

Bahamba baze bafika endzaweni lekutsiwa yiMara, lapho bawakhandza khona emanti. Kodvwa behluleka kuwanatsa, ngobe abebaba. Ngiko nje lendzawo yabitwa ngekutsi yiMara.

Eksodusi 6:3

Ngabonakala ku-Abrahama, naku-Isaka, nakuJakobe kutsi nginguNkulunkulu Somandla, kodvwa angizange ngibatise lelibito lami lelingcwele, Simakadze.

Isaya 38:13

Ngilindzile ngekubeketela kwaze kwadzabuka kusa; kodvwa yena njengelibhubesi uwabhobabhobe onkhe ematsambo ami. Busuku nemini wetamana nekungicedza.

KumaHebheru 12:11

Ngobe ngesikhatsi sisayalwa kuvakala kubuhlungu kunekutsi kujabulise, noko kamuva sivuno saloko kuyalwa sibonakala sinesitselo sekuthula nesekulunga, kulabo labaceceshwe ngako.

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.

Sembulo 21:22

Angizange ngilibone lithempeli kulelo khaya, ngobe iNkhosi Nkulunkulu, Somandla, neliWundlu bekungulona lithempeli lalo.