Ruthe 1:16 - Siswati 1996 Bible

¹⁶ Ruthe waphendvula watsi: “Ngicela kutsi ungangincengi kutsi ngikushiye. Ngiyekele, ngihambe nawe. Lapho uya khona, nami ngitakuya khona; lapho uyawuhlala khona, nami ngiyawuhlala khona. Sive sakini, kuyawuba sive sami; naNkulunkulu wakho kube nguNkulunkulu wami.

Ruthe 1:16 Cross References

2 Samuweli 15:21

Kodvwa Ithayi waphendvula inkhosi, watsi: “Nkhosi, ngifunga kuphila kwaSimakadze, nangenkhosi yami lephilako ngitsi, lapho inkhosi yami iya khona, ekuphileni nasekufeni, nenceku yakho itakuya khona.”

Tihlabelelo 45:10

Kuwe-ke, ndvodzakati yami, ngitsi: “Vula indlebe yakho, ulalele naku lengikushoko: Sikhohlwe sive sakini nebakenu.

Taga 17:17

Umngani unelutsandvo ngaso sonkhe sikhatsi; kantsi umnakenu utalelwe kutsi netfwalisane naye tinhlupheko.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Danyela 3:29

“Ngako-ke sengikhipha umtsetfosimemetelo kutsi bonkhe bantfu bato tonkhe tive netilwimi labakhuluma lokuphambene naNkulunkulu waboShadraki, naMeshaki, na-Abednego abajutjwe batokwe babe ticucu, netindlu tabo tibhidlitwe tibe tindvundvuma tetimfuhlululu, ngobe kute lomunye nkulunkulu longasindzisa ngalendlela.”

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Hoseya 13:4

“Kodvwa mine nginguSimakadze longuNkulunkulu wakho, lowakukhipha eGibhithe. Animati lomunye Nkulunkulu ngaphandle kwami; kute uMsindzisi ngaphandle kwami.

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Matewu 8:19

Kwase kufika sati semtsetfo satsi: “Mfundzisi, ngitakulandzela, ngisho nome uyaphi.”

Johane 13:37

Phetro watsi: “Nkhosi, kwanyalo kwalani kutsi ngikulandzele? Ngikulungele nekufa ngenca yakho!”

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

1 kubaseThesalonika 1:9

Ngobe bona ngekwabo babika ngatsi kutsi nasemukela kahle kangakanani, nekutsi naphendvukela kanjani kuNkulunkulu, nashiya tithico tenu, kuze nikhonte Nkulunkulu lophilako nalonguye sibili.

Joshuwa 24:18

Simakadze watidvungulula watikhipha tonkhe leto tive embikwetfu, ngisho nema-Amori labehlala kulelive. Natsi futsi sitamkhonta Simakadze, ngobe nguNkulunkulu wetfu.”

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.

Ruthe 1:15

Ngako-ke Nawomi wakhuluma kuRuthe, watsi: “Angitsi uyabona kutsi dzadzewenu sewuhambile wabuyela kubo, nawe-ke ncandzeka kanye naye.”

Ruthe 1:17

Lapho uyawufela khona, nami ngiyawungcwatjwa khona. Shangatsi Simakadze angangijezisa kakhulu, nangabe mine ngivumela nome ngabe yini, ngaphandle kwekufa, kutsi kusehlukanise.”

Ruthe 2:6

Lendvuna yamphendvula yatsi: “Lomakoti ungumMowabi, lofike naNawomi, aphuma eveni lakaMowabi.

Ruthe 4:15

Maye, malukatane wakho uyakutsandza bo! Loko lakwentele kona kukhulu kwendlula loko bekungentiwa ngemadvodzana lasikhombisa. Manje sewukutalele umtukulu lotawuba ngumliba loya embili, akusekele ebudzaleni bakho.”