Obadiya 1:11 - Siswati 1996 Bible

¹¹ Mhlazane ume untontomele ngesikhatsi bafokati batfumba umcebo wakhe, nebetive bangena emasangweni akhe, benta inkatho ngeJerusalema, nawe kwakungatsi umdvumo munye nabo.

Obadiya 1:11 Cross References

2 Emakhosi 25:11

Nebuzaradani, indvuna yabomahlalesangweni, wabatfumba bonkhe labantfu lababesele kulelidolobha neluntfu lonkhe lolwalusele, wabatfumba kanye nalaba lababehlubuke baya enkhosini yaseBhabhulona.

Tihlabelelo 137:7

Khumbula, Simakadze, lokwentiwa ngema-Edomu mzukwana kutfunjwa iJerusalema. Khumbula kutsi bakusho kanjani kutsi: “Yibhidliteni! Yibhidliteni iphele nya!”

Tihlabelelo 50:18

Utsi ungabona lisela, ube ngematse nelulwimi nalo, umdzibi ndzawonye netiphingi.

Tihlabelelo 83:5

Bacebisana ngawe nganhlitiyo yinye, bente sivumelwane ngawe.

Tihlabelelo 83:6

Kuhlangene bonkhe baka-Edomu labasemathendeni, nebaka-Ishmayeli, nebakaMowabi, nebakaHagari,

Hezekeli 35:10

“ ‘Njengobe ukhulume watsi: “Letive letimbili nalamave lamabili kutawuba kwetfu, futsi siyawukutsatsa kube kwetfu,” lite nome mine Simakadze bengikhona lapho,

Joweli 3:3

Sive sami tehlukaniselana ngaso ngenkatho, tatsengisa ngebafana, kuze titewukhokhela tingwadla; tatsengisa ngemantfombatana, kuze kutsi titewutsenga liwayini tinatse.

Amose 1:6

Naku lokushiwo nguSimakadze, utsi: “Bantfu baseGaza bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu.

Amose 1:9

Naku lokushiwo nguSimakadze, utsi: “Bantfu baseThire bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu, bangete basigcina sivumelwane sebuhlobo lesasentiwe.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Zefaniya 2:10

Nguloku bakaMowabi nema-Amoni labayawukutfola kube ngumvuzo wekutigcabha kwabo, ngenca yekwetfuka nekuphukuta kwabo sive saSimakadze longuSomandla.