Numeri 9:6 - Siswati 1996 Bible

⁶ Noko labanye babo abazange bawugubhe lomkhosi, ngobe babengcolile ngekwemtsetfo, ngekutsi babetsintse sidvumbu. Ngako beta kuMosi na-Aroni ngalo lelo langa bafike

Numeri 9:6 Cross References

Eksodusi 18:15

Mosi wamphendvula watsi: “Kufanele ngikwente loku, ngobe bantfu beta kimi batewufuna intsandvo yaNkulunkulu.

Eksodusi 18:19

Tsatsa nali livi leseluleko sami, Nkulunkulu utawuba nawe. Kufanele wena ube lincusa lebantfu kuNkulunkulu, emacala abo uwaletse kuye.

Eksodusi 18:26

Behlulela tindzaba tebantfu ngato tonkhe tikhatsi: Emacala lamatima bawaletsa kuMosi, kodvwa lamancane ancunywe ngibo.

Levithikusi 21:11

Akayiwungena endlini lenesidvumbu; yebo, angatingcolisi nome kungeseyise nome kungesenina,

Levithikusi 24:11

Lendvodzana yemfati longum-Israyeli yahlambalata libito laSimakadze ngekulicalekisa; bayitsatsa bayiletsa kuMosi. Unina bekunguShelomithi, indvodzakati yaDibri wesive sakaDani.

Numeri 15:33

Labo labayikhandza itfota tinkhuni bayitsatsa bayimikisa kuMosi na-Aroni nesive sonkhe,

Numeri 19:11

“Umuntfu loyawutsintsa sidvumbu nome ngabe sabani uyawuba ngulongcolile ngekwemtsetfo emalanga lasikhombisa.

Numeri 19:14

“Lona-ke ngumtsetfo lomacondzana nemuntfu lofele ethendeni lakhe. Nome ngubani loyawungena kulo nalobekasuke akulo lelithende, uyawuba ngulongcolile ngekwemtsetfo emalanga lasikhombisa.

Numeri 19:16

“Nangabe umuntfu utsite asebaleni watsintsa sidvumbu semuntfu lofe ngekugwazwa, nome lofe ngesifo lesetayelekile, nome lotsintsa litsambo laso, nome lithuna, uyawuba ngulongcolile ngekwemtsetfo emalanga lasikhombisa.

Numeri 19:18

Kuyawutsi umuntfu lohlantekile ngekwemtsetfo atsatse ihisophu ayenye kulamanti, bese ufafata lelithende nako konkhe lokusekhatsi kanye nalabantfu bebakhona lapho. Kufanele afafate bonkhe labake batsintsa litsambo lemufi, nome sidvumbu semuntfu lobulewe nome lotifele, nome-ke lithuna.

Numeri 27:2

ekungeneni kwelithende lekuhlangana ema embikwaMosi, na-Eleyazare, umphristi, nebaholi besive sonkhe, atsi:

Numeri 27:5

Ngako Mosi wayitsatsa lendzaba yawo wayimikisa kuSimakadze.

Numeri 5:2

“Yala ema-Israyeli uwatjele kutsi wonkhe umuntfu lonesifo salokusabulephelo nome lonekuvuta nome kwaluphi luhlobo, nome longcole ngenca yesidvumbu latsintsene naso, akacoshwe akhishelwe ngephandle kwenkambu.

Numeri 9:7

batsi: “Sesingcolile ngenca yekutsintsa sidvumbu, kodvwa kuya ngani kutsi tsine sikhishwe sivinjelwe kutsi siletse umnikelo waSimakadze kanye nalamanye ema-Israyeli ngaleso sikhatsi lesesimisiwe?”

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.