Numeri 7:1 - Siswati 1996 Bible

¹ Watsi kube Mosi acedze kumisa lithende lekukhontela, waligcoba ngemafutsa, walinikela kanye nato tonkhe timphahla letihambisana nalo. Waphindze wagcoba lilati nato tonkhe titja talo.

Numeri 7:1 Cross References

Genesisi 2:3

Ngako-ke Nkulunkulu walibusisa lilanga lesikhombisa, walingcwelisa; ngobe ngalo waphumula emsebentini wakhe wonkhe wekudala.

1 Emakhosi 8:64

Ngalo lona lelo langa inkhosi yehlukanisela Nkulunkulu indzawo lesekhatsi nekhatsi nesibuya lesasisembikwendlu yaSimakadze, lapho-ke ngulapho anikelela khona iminikelo yekushiswa, neyalokutinhlavu, nemafutsa emnikelo wekuthula, ngobe lilati lelitfusi lelalisembikwaSimakadze lalilincane kakhulu kutsi lingayetfwala leminikelo yekushiswa, neminikelo yalokutinhlavu, neminikelo yemafutsa eminikelo yekuthula.

Eksodusi 13:2

“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”

Eksodusi 29:36

Onkhe emalanga ubonikela ngenkunzi ibe ngumnikelo wetono, khona titawutsetselelwa; ngekwenta njalo utawuhlambulula lilati, uligcobe ngemafutsa ulingcwelise bese uyalinikela.

Eksodusi 40:11

Umgezelo kanye nesibunu sawo nako ubokugcoba ngemafutsa ukunikele kube ngcwele.

Numeri 17:2

“Khuluma kuma-Israyeli akunike tindvuku letili-12, yinye kuleso nakuleso sive lephuma kumholi waso. Bhala libito laleyo naleyo ndvodza endvukwini yayo.

Numeri 7:10

Latsi kube lelilati ligcotjwe ngemafutsa, baholi baletsa iminikelo yabo yekulinikela, bayibeka embikwalo.

Numeri 7:84

Lena-ke ngiminikelo yebaholi besive saka-Israyeli yekunikela lilati nase ligcotjwe ngemafutsa, seyiyonkhe yema kanje: emapulede esiliva labeli-12, netindishi tesiliva tekunyenyeta letili-12, netingwembe tegolide letili-12.

Numeri 7:88

Setitonkhe tifuyo temhlatjelo wemnikelo wekuthula kwaba tinkunzana letingema-24, netihhanca letingema-60, netiphongo letingema-60, nemazinyane etimvu lamadvuna langema-60 lanemnyaka munye budzala. Konkhe loko kwakukwemnikelo wekunikelwa kwelilati nase ligcotjwe ngemafutsa.

Matewu 23:19

Timphumphutse, ngukuphi lokubaluleke kakhulu, sipho nome lilati, lelenta sipho sibe ngcwele?