Numeri 6:9 - Siswati 1996 Bible

⁹ “ ‘Nangabe umuntfu afa ngekutumeka eceleni kwakhe, ngaloko kungcole tinwele takhe lasanikele ngato, uyawuhhula inhloko yakhe ngelilanga lekuhlanjululwa kwakhe, lekulilanga lesikhombisa.

Numeri 6:9 Cross References

Hezekeli 44:27

Mhlazana angena esibuyeni lesingekhatsi sendzawo lengcwele kutewukhonta endzaweni lengcwele, kufanele atentele umnikelo wesono, kusho iNkhosi Simakadze.

Levithikusi 14:8

“Umuntfu lohlanjululwako kufanele ageze timphahla takhe, ahhule tonkhe tinwele, ageze umtimba wakhe emantini, bese uyahlambuluka-ke. Emvakwaloko angancandzeka abuyele enkambu, ahlale ngaphandle kwelithende lakhe kuze kuphele emalanga lasikhombisa.

Levithikusi 14:9

Ngelilanga lesikhombisa kufanele ahhule tonkhe tinwele enhloko yakhe, ashefe silevu, nemashiya, nako konkhe lokusatinwele. Kufanele ageze tingubo takhe tekwembatsa kanye nemtimba wakhe, utawuhlambuluka.

Numeri 6:18

LomNaziri-ke uyawube sewuyatihhula tinwele takhe enhloko yakhe ahhulele emnyango welithende lekuhlangana, atsatse letinwele tenhloko yakhe lengcwele atifake emlilweni longaphansi kwemnikelo wekuthula.

Numeri 6:8

Ngaso sonkhe sikhatsi sekutehlukanisela uyawuba ngcwele kuSimakadze.

Imisebenti yebaPhostoli 18:18

Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

Imisebenti yebaPhostoli 21:27

Kwatsi lapho sekusele kancane kutsi kuphele emalanga lasikhombisa, emaJuda ase-Asiya abona Pawula asethempelini, ase afaka kubantfu umoya wetikhova wekutsi basuse siphitsiphitsi, ambamba,

Dutheronomi 21:12

Uyakuyiletsa ekhaya kini bese ihhula inhloko yayo, ijube netingalo tayo,